بین اسٹوکس کو لگاتار دوسری مرتبہ وژڈن کرکٹر ایوارڈ ملا۔ اس طرح وہ انگلینڈ کے پہلے ایسے کھلاڑی بن گئے ہیں جنہیں ایک سے زائد بار یہ اعزاز ملا ہے۔ اس سے قبل انہیں 2020 میں آئی سی سی ورلڈ کپ اور ایشیز سیریز میں عمدہ کارکردگی کی بنیاد پر اس ایوارڈ سے نوازا گیا تھا۔
اس کے علاوہ کینٹ کے 44 سالہ ڈیرین اسٹیوینس کا نام ان پانچ کرکٹرز آف دی ایئر میں شامل ہے جو اب تک کی تاریخ میں چوتھے سب سے سینئر کرکٹر ہیں۔ اسٹیوینس کے ساتھ ویسٹ انڈیز کے تجربہ کار آل راونڈر جیسن ہولڈر، پاکستانی وکٹ کیپر بلے باز محمد رضوان اور انگلینڈ کے دو نئے ٹاپ آرڈر بلے باز ڈوم سبلی اور جیک کراؤلی کو بھی کرکٹرز آف دی ایئر کا ایوارڈ ملا ہے جبکہ آسٹریلیائی بلے باز بیتھ مونی کو دنیا کی ممتاز خاتون کرکٹر کے اعزاز سے نوازا گیا۔