دبئی:بنگلہ دیش کی اسٹار کرکٹر ناہیدہ اختر نے پاکستان کے خلاف سیریز جیتنے میں اہم کردار ادا کیا تھا۔ بنگلہ دیش نے گزشتہ ماہ ون ڈے سیریز میں پاکستان کو 2-1 سے شکست دی تھی۔ اس سیریز میں ناہیدہ کا خاص تعاون تھا، انہوں نے تین میچوں میں سات وکٹیں حاصل کیں اور پلیئر آف دی سیریز بھی بنیں۔
مہینہ کی بہترین کھلاڑی کے طور پر منتخب ہونے پر، ناہیدہ نے کہاکہ یہ قابل فخر لمحہ ہے۔ کرکٹ کے ماہرین کے اس باوقار پینل کی طرف سے اعزاز ملنا اور آئی سی سی ویمنز پلیئر آف دی منتھ کا ایوارڈ جیتنا میرے لیے حوصلہ افزائی کا ایک بڑا ذریعہ ثابت ہوگا۔
آسٹریلیا کو چھٹی بار ون ڈے ورلڈ کپ چیمپئن بنانے میں ٹریوس ہیڈ نے اہم کردار ادا کیا۔ انہوں نے سیمی فائنل اور فائنل میں زبردست اننگز کھیلی اور دونوں میچوں میں ٹیم کو فتح سے ہمکنار کیا۔ ہیڈ نے ورلڈ کپ کے پانچ میچوں میں 44 کی اوسط سے 220 رنز بنائے تھے۔ ساتھ ہی ہندوستان کے خلاف ٹی-20 سیریز کے تیسرے میچ میں انہوں نے 18 گیندوں میں 35 رنز بنائے۔ انہوں نے یہ اعزاز اپنے ساتھی گلین میکسویل اور ہندوستانی تیز گیند باز محمد شامی کو پیچھے چھوڑ کر حاصل کیا ہے۔