جب شکیب الحسن نے اسٹمپ پر غصہ اتارا۔۔۔

شیر بنگال اسٹیڈیم میں کھیلے گئے ایک میچ میں مشفق الرحیم کے خلاف ایل بی ڈبلیو کی اپیل کو انکار کرنے کے بعد شکیب الحسن نے اسٹمپ پر کِک مار دی۔

بنگلہ دیش کے اسٹار کرکٹر شکیب الحسن نے جمعہ کے روز ایک گھریلو ٹی 20 میچ کے دوران گراؤنڈ اسٹمپ کو لات ماری اور امپائر کے ساتھ بدسلوکی کی۔ حالانکہ بعد میں شکیب نے اس کو 'انسانی غلطی' قرار دیتے ہوئے معذرت کرلی۔

حالانکہ شکیب کے غصے نے ان کے کھیل پر کسی طرح سے اثر نہیں ڈالا اور ان کی ٹیم محمڈن اسپورٹنگ نے ڈھاکہ پریمیئر لیگ میں ابحانی لمیٹیڈ کو شکست دے دی۔

بنگلہ دیش کے 34 سالہ سابق کپتان نے معافی مانگ لی لیکن اسٹمپ پر لات مارنا ایک 'لیول تھری' جرم ہے اور اس کا نتیجہ ایک میچ سے معطل ہوسکتا ہے۔

شکیب الحسن نے اپنے فیس بک پیج پر معذرت کرتے ہوئے لکھا 'پیارے شائقین اور خیر خواہ میں ان تمام لوگوں سے معافی مانگتا ہوں جو میچ کے دوران ہوا۔ یہ مجھ جیسے تجربہ کار کرکٹر سے بالکل بھی نہیں ہونا چاہئے تھا، لیکن کبھی کبھی میچ کے کشیدہ ماحول میں ایسا ہو جاتا ہے۔

شکیب نے آگے لکھا 'میں اس طرح کی غلطی پر تمام ٹیمز، ٹورنامنٹ میں شامل تمام عہدیداروں اور آرگنائزنگ کمیٹی سے معافی مانگتا ہوں۔ مجھے امید ہے کہ میں آئندہ اس قسم کی غلطی نہیں کروں گا۔'

شیر بنگال اسٹیڈیم میں کھیلے گئے ایک میچ میں مشفق الرحیم کے خلاف ایل بی ڈبلیو کی اپیل کو انکار کے بعد شکیب الحسن نے اسٹمپ پر لات مار دی۔

میچ کے دوران شکیب نے دوسری غلطی بھی کی۔ ابحانی لمیٹیڈ کی اننگز کے دوران چھٹے اوور میں پانچویں گیند کے بعد جب دونوں آن فیلڈ امپائرز نے بارش کی وجہ سے میچ روکنے کا اعلان کیا تو شکیب نے غصے میں دوسرے اینڈ کے اسٹمپ کو جڑ سے اکھاڑ دیا۔

شکیب الحسن کا یہ ویڈیو سوشل میڈیا پر وائرل ہوگیا۔ میچ فکسنگ کیس میں شکیب پر پہلے ہی دو سال کی پابندی عائد ہو چکی ہے۔