بنگلہ دیش نے نیوزی لینڈ کو پہلے ٹی20 میچ میں پانچ وکٹوں سے شکست دی

Bangladesh defeated New Zealand شریف الاسلام کی عمدہ بالنگ اور لیٹن داس کی 42 رنوں کی ناٹ آوٹ اننگ کی بدولت بنگلہ دیش نے نیوزی لینڈ کو پہلے ٹی 20 میچ میں پانچ وکٹوں سے شکست دے دی۔ اس جیت کے ساتھ ہی بنگلہ دیش نے تین ٹی20 میچوں پر مشتمل سیریز میں ایک صفر کی برتری حاصل کرلی۔

نیپئر:جمی نیشم کی طوفانی 48 رن کی اننگز کی بدولت نیوزی لینڈ نے بدھ کے روز پہلے ٹی- 20 میچ میں بنگلہ دیش کو 135 رنز کا ہدف دیا۔ ہدف کے تعاقب میں بنگلہ دیش کی شروعات مایوس کن رہی۔13 رنوں کے مجموعی اسکور پر رونی تلقدار10 رن بنا کر پویلین لوٹ گئے۔ کپتان نجمل الحسن سنتو 19 رنوں کی اننگ کھیل کر نیشم کے شکار بن گئے۔

اس کے علاوہ سومیہ سرکار 22 رن، توحید ہردے19 رن اور عافیف حسین ایک رن بنا کر آوٹ ہوئے۔ سلامی بلے باز لیٹن داس محتاط انداز میں بلے بازی کرتے ہوئے 36 گیندوں پر دو چوکوں اور ایک چھکے کی مدد سے 42 رن ناٹ آوٹ اور مہدی حسن 19 رن ناٹ آوٹ رہے۔ بنگلہ دیش نے 18.4 اوورز میں پانچ وکٹوں کے نقصان پر 137 رن بنا کر میچ جیت لیا۔

نیوزی لینڈ کی جانب سے ٹم ساوتھی،ایڈم ملنے،جیمی نیشم،بین سیئیرس اور میشل سینٹر کو ایک ایک وکٹ ملا۔ اس سے قبل آج یہاں میک لین پارک اسٹیڈیم میں کھیلے جانے والے پہلے ٹی- ٹوئنٹی میچ میں بنگلہ دیش نے ٹاس جیت کر پہلے گیند بازی کا فیصلہ کیا۔ بنگلہ دیش کے گیند بازوں نے ٹاس کے فیصلے کو درست ثابت کرتے ہوئے نیوزی لینڈ کے پہلے چار بلے بازوں کو 20 رنز کے اسکور پر پویلین بھیج دیا۔ نیوزی لینڈ کی جانب سے جمی نیشم نے 29 گیندوں پر سب سے زیادہ 48 رنز بنائے۔ انہوں نے اپنی اننگز میں چار چوکے اور تین چھکے بھی لگائے۔ اس کے علاوہ کپتان مچل سینٹنر نے 23 رنز کی اننگز کھیلی۔

نیوزی لینڈ ٹیم بیٹنگ کے لیے اتری اور پہلے ہی اوور میں مہدی نے ٹم سرفوٹ کو صفر پر آؤٹ کر کے پویلین بھیج دیا۔ اگلے ہی اوور میں اسلام نے فن ایلن کو ایک رن پر سرکار کے ہاتھوں کیچ آؤٹ کرا دیا۔ اس کے بعد گلین فلپس بھی صفر پر اسلام کا شکار ہو گئے۔ مہدی نے پانچویں اوور میں ڈیرل مچل کو 14 رنز پر بولڈ کر کے چوتھا جھٹکا دیا۔ مارک چیپ مین 19 رن، ٹم ساؤتھی آٹھ رن اورایش سودھی دو رنز بنانے کے بعد آؤٹ ہوئے۔ ایڈم ملن 16 رنز بنا کر ناٹ آؤٹ رہے۔ نیوزی لینڈ کی ٹیم مقررہ 20 اوورز میں نو وکٹ پر صرف 134 رنز بنا سکی۔

بنگلہ دیش کی جانب سے ایش سوڈھی نے تین بلے بازوں کو آؤٹ کیا۔ مہدی حسن اور مستفیض الرحمان نے دو دو وکٹیں حاصل کیں۔ جبکہ رشاد حسین اور تنظیم حسن ثاقب نے ایک وکٹ حاصل کی۔