کراچی: ٹی 20 فارمیٹ میں پاکستان کے سلامی بلے باز بابر اعظم اور محمد رضوان نے ایک اور اعزاز اپنے نام کرلیا ہے۔ بابر اور رضوان ٹی 20 بین الاقوامی میں دو ہزار رنز کی پارٹنرشپ پوری کرنے والی پہلی جوڑی بن گئی ہے۔ پاکستانی سلامی بلے بازوں نے یہ کارنامہ انگلینڈ کے خلاف چوتھے ٹی 20 میچ میں انجام دیا۔ Babar and Rizwan Becomes First Pair to Stitch 2000 Run Partnership
اس سے قبل انگلینڈ کے خلاف دوسرے ٹی 20 میچ بابر اعظم اور محمد رضوان نے ناٹ آؤٹ 203 رنز کی پارٹنرشپ کھیلی تھی۔ ٹوئنٹی انٹرنیشنل میں 200 رنز کی اوپننگ پارٹنرشپ کھیل کر بابر اعظم اور محمد رضوان نے عالمی ریکارڈ اپنے نام کرلیے تھے، جو اب تک کے ٹی ٹوئنٹی انٹرنیشنل میچوں میں سب سے زیادہ رنز کی شراکت کا عالمی ریکارڈ ہے۔ دونوں نے ایسا کر کے اپنا ہی پورانا ریکارڈ توڑ دیا تھا، اس سے قبل دونوں نے ٹی ٹوئنٹی انٹرنیشنل میں 197 رنز کی پارٹنرشپ کی تھی۔