Australia Win پہلے ٹی 20 میں آسٹریلیا کی بڑی جیت

میشل مارش اور ٹم ڈیوڈ کی نصف سنچریوں کے بعد تنویر سنگھا کی شاندار گیندبازی کی بدولت آسٹریلیا نے جنوبی افریقہ کو پہلے ٹی 20 بین الاقوامی میچ می 111 رنوں سے شکست دے دی۔کنگاروں نے سیریز میں ایک صفر کی برتری حاصل کرلی۔

ڈربن:جنوبی افریقہ کے شہر ڈربن میں کھیلے گئے پہلے ٹی 20 انٹرنیشنل میچ میں آسٹریلیا نے میزبان ٹیم کو آوٹ کلاس کردیا۔آسٹریلیا کے 6 وکٹوں کے نقصان پر 226 رنوں کے ہدف کے تعاقب میں جنوبی افریقہ کی پوری ٹیم 15.3 اوورز میں 115 رنوں پر سمٹ گئی۔

جنوبی افریقہ کی جانب سے ریجا ہینڈریکس 56 رن،روسی وین ڈرڈوسن 21 اور مارکو جانسن 20 کے علاوہ کوئی بلے باز خاطر خواہ کھیل کامطاہرہ نا کر سکی اور پوری ٹیم محض 115 رنوں پر آل آوٹ ہوگئی۔آسٹریلیا کی جانب سے اپنا پہلا میچ کھیلنے والے تنویز سنگھا نے شاندار بالنگ کامظاہرہ کرتے ہوئے چار اوور میں 31 رن دے کر چار وکٹ حاصل کئے۔اس کے علاوہ مارکوس اسٹوینس کو تین اور اسپینر جانسن کو دو وکٹ ملے۔

اس سے قبل میزبان ٹیم جنوبی افریقہ کی دعوت پر پہلے بیٹنگ کرنے اتری آسٹریلیائی ٹیم مقررہ 20 اوورز میں چھ وکٹوں کے نقصان پر 226 رن بنائے۔آسٹریلیا کی جانب سے میشل مارش نے 49 گیندوں پر 13 چوکوں اور دو چھکوں کی مدد سے ناٹ آوٹ 92 رن بنائے ۔اس کے علاوہ ٹم ڈیوڈ 28 گیندوں پر سات چوکوں اور چار چھکوں کی مدد سے 64 رنوں کی جارحانہ اننگ کھیلی۔

جنوبی افریقہ کی جانب سے لیجاد ویلمس نے چار اوورز میں 44 رن دے کر چار وکٹ حاصل کئے اس کے علاوہ مارکو جانسن،گارلڈ کوٹجے اور شمس تبریز کو ایک ایک وکٹ ملا۔