Indian Beat Pakistan In Squas ہندوستانی خواتین اسکواش ٹیم نے پاکستان کو 3-0 سے شکست دی

ہندوستانی خواتین اسکواش ٹیم نے پول بی کے اپنے پہلے میچ میں پاکستان کو 3-0 سے شکست دی۔ہندوستانی کھلاڑیوں نے شاندار کھیل کا مظاہرہ کرتے ہوئے کٹر حریف پاکستان کو آوٹ کلاس کردیا۔

ہانگزو:چین کے ہانگزو میں جاری ایشیائی کھیلوں میں ہندوستان کے کھلاڑیوں کی شاندار کارکردگی کا سلسلہ جاری ہے۔ایشیائی کھیلوں کے تیسری تیسرے روز بھی ہندوستانی کھلاڑیوں نے مختلف کھیلوں میں شاندار کارکردگی کا مظاہرہ کرتے ہوئے تمغوں کو یقینی بنایا ہے۔

ایشیائی کھیلوں کے اشکواش معاملے میں ہندوستانی خواتین اسکواش ٹیم نے پول بی کے اپنے پہلے میچ میں کٹر حریف پاکستان کو 3-0 سے شکست دے کر آوٹ کلاس کر دیا۔اسکواش کے پورے مقابلے میں ہندوستان کی خواتین کھلاڑیوں کا دبدبہ برقرار رہا۔پاکستانی خواتین ٹیم میچ میں واپس آنے کے لئے جدو جہد کرتی نظر آئیں۔

چین میں جاری ایشین گیمز میں ہندوستانی خواتین کی اسکواش ٹیم کی اناہت سنگھ، جوشنا چنپا اور تنوی کھنہ نے اپنے اپنے میچوں میں لگاتار گیم جیتے۔

اس کے ساتھ ہی ہندوستانی ٹیم اگلے راؤنڈ میں پہنچ گئی ہے جہاں اس کا مقابلہ کل صبح نیپال اور مکاؤ چین سے ہوگا۔

انڈر 15 اور انڈر 17 ایشین چیمپئن پندرہ سالہ اناہت نے انڈیا بمقابلہ پاکستان ویمنز اسکواش پول بی میچ کے پہلے میچ میں 3-0 سے جیت کے ساتھ ہندوستان کو برتری دلادی۔ انہوں نے سعدیہ گل کو 11-6، 11-6، 11-3 سے ہرایا۔وہیں دوران جوشنا نے پاکستان کی نور الہدیٰ صادق کے خلاف دوسرا مقابلہ 11-2، 11-5، 11-7 سے جیتا۔

یواین آئی