IPL 2023 Mini Auctions کوچی میں سجے گا کھلاڑیوں کی نیلامی کا بازار

انڈین پریمیئر لیگ 2023 کے لیے منی نیلامی 23 دسمبر جمعہ کے روز ہونی ہے۔ اس بار یہ اسپورٹس میلہ کوچی میں منعقد ہونے جا رہا ہے۔ آئیے جانتے ہیں نیلامی سے متعلق اہم معلومات۔ IPL 2023 Mini Auctions

نئی دہلی: آئی پی ایل 2023 کے لیے کھلاڑیوں کی منی نیلامی 23 دسمبر جمعہ کے روز کوچی میں ہونے والی ہے۔ تمام 10 فرنچائز ٹیموں کے ساتھ ساتھ شائقین اور کرکٹرز بھی آئی پی ایل کی اس منی نیلامی کا بے صبری سے انتظار کر رہے ہیں۔ IPL 2023 Mini Auctions

اس بار میگا نیلامی میں 405 کھلاڑی حصہ لے رہے ہیں۔ بولی لگانے والے 405 کرکٹرز میں سے 273 بھارتی کھلاڑی ہیں جب کہ 132 غیر ملکی کھلاڑی ہیں۔132 غیر ملکی کھلاڑیوں میں سے 4 کھلاڑی ایسوسی ایٹ ممالک سے ہیں۔ نیلامی میں کل 119 کیپڈ اور 282 ان کیپڈ کھلاڑی حصہ لیں گے۔ تاہم تمام ٹیمیں مجموعی طور پر 87 کھلاڑی خرید سکتی ہیں جن میں زیادہ سے زیادہ 30 غیر ملکی کھلاڑی ہوں گے۔

آئی پی ایل کی نیلامی دوپہر 2.30 بجے کوچی میں شروع ہوگی۔ یہ آئی پی ایل کی 16ویں اور مجموعی طور پر 11ویں منی نیلامی ہے۔ نیلامی بھارت میں اسٹار اسپورٹس نیٹ ورک پر براہ راست نشر کی جائے گی۔ جیو سنیما ایپ اور اس کی ویب سائٹ پر لائیو سٹریمنگ ہوگی۔

اللہ محمد غضنفر آئی پی ایل 2023 کی نیلامی کے لیے منتخب ہونے والے سب سے کم عمر کرکٹر ہیں۔ غضنفر کا تعلق افغانستان سے ہے اور وہ دائیں ہاتھ کے آف اسپنر ہیں۔ نیلامی میں سب سے معمر کھلاڑی ٹی ٹوئنٹی لیجنڈ امت مشرا ہیں۔

ہیو ایڈمز آئی پی ایل کی نیلامی کے عمل کو سنبھالیں گے۔ انہوں نے سنہ 2018 میں رچرڈ میڈلے سے ذمہ داری سنبھالی تھی اور تب سے وہ آئی پی ایل کی نیلامی کی میزبانی کر رہے ہیں۔ آئی پی ایل 2022 کی میگا نیلامی میں ہیو ایڈمز کی طبیعت خراب ہوگئی تھی جس کے بعد چارو شرما نے ذمہ داری سنبھالی۔

نیلامی کے اختتام پر ہر ٹیم کے پاس کم از کم 18 کھلاڑی اور زیادہ سے زیادہ 25 کھلاڑی ہونے چاہئیں۔ ہر ٹیم میں زیادہ سے زیادہ آٹھ غیر ملکی کھلاڑی ہوسکتے ہیں۔

میڈیا رپورٹس کے مطابق تقریباً 19 غیر ملکی کھلاڑیوں نے اپنی بنیادی قیمت 2 کروڑ روپے رکھی ہے، جب کہ 11 کھلاڑیوں کی بنیادی قیمت 1.5 کروڑ روپے ہے۔ منیش پانڈے، میانک اگروال سمیت کل 20 کھلاڑیوں کی بنیادی قیمت ایک کروڑ روپے ہے۔

آئی پی ایل منی نیلامی 2023 میں کھیلاڑیوں کے بیس پرائس

بنیادی قیمت 2 کروڑ: ٹام بینٹن، سیم کرن، کرس جورڈن، ٹائمل ملز، جیمی اوورٹن، کریگ اوورٹن، عادل رشید، فل سالٹ، بین اسٹوکس، کیمرون گرین، کرس لین، کین ولیمسن، ایڈم ملنے، جمی نیشام، ریلی روسو، راسی وین ڈیر ڈسن، جیسن ہولڈر، نکولس پورن کے نام شامل ہیں۔

بنیادی قیمت: 1.5 کروڑ: شان ایبٹ، ریلی میرڈیتھ، جے رچرڈسن، ایڈم زمپا، شکیب الحسن، ہیری بروک، ول جیکس، ڈیوڈ ملان، نیتھن کولٹر نائل شامل ہیں۔

آئی پی ایل منی نیلامی 2023 میں کھیلاڑیوں کے بیس پرائس

بنیادی قیمت 1 کروڑ: میانک اگروال، منیش پانڈے، محمد نبی، مجیب الرحمان، موئسس ہینریکس، اینڈریو ٹائی، جو روٹ، لیوک ووڈ، مچل بریسویل، کائل جیمسن، میٹ ہنری، ٹام لیتھم، ڈیرل مچل، ہینرک کلاسین، تبریز کوسل پریرا، روسٹن چیس، راکھیم کارن وال، شائی ہوپ کے نام شامل ہیں۔

آئی پی ایل کا منی آکشن اس بار دو مختلف پلیٹ فارمز پر دیکھا جائے گا۔ ایک طرف اسٹار اسپورٹس نیٹ ورک اسے ٹی وی پر دکھائے گا، وہیں دوسری طرف اسے ڈیجیٹل پر جیو سنیما ایپ پر دکھایا جائے گا۔