بنگلور ریپٹرس کی جانب سے کھیل رہی جو ینگ نے یہاں جی ایم سی باليوگي انڈور اسٹیڈیم میں پي بي ایل کے پانچویں سیزن کے میچ میں حیدرآباد ہنٹرز کی سندھو کو تین گیموں تک چلے مقابلے میں شکست دی۔
پہلے گیم ہارنے کے بعد بھی جو ینگ نے سندھو کو 15-11، 13-15، 9-15 سے شکست دی۔ جو ینگ کی اس جیت کے ساتھ بنگلور نے مقابلہ اپنے نام کر لیا۔ینگ نے پہلے گیم میں 3-0 کی برتری حاصل کرلی۔
سندھو نے مسلسل تین پوائنٹس لے کر اسکور برابر کیا اور پھر 6-5 کی برتری لینے کے بعد بریک میں 8-5 کے اسکور کے ساتھ گئیں۔ سندھو بریک کے بعد زیادہ تیزی اور جارحیت سے کھیل رہی تھیں۔ انہوں نے اسکور 12-9 کیا اور یہاں سے ینگ کے لئے واپسی کرنا مشکل ہو گیا۔
دوسرے گیم میں سندھو نے پہلا پوائنٹس لیا جسے ینگ نے فورا برابر کر لیا۔ اسکور یہاں سے برابری کا چلتا رہا۔ 6-6 پر آتے ہی سندھو نے مسلسل دو پوائنٹس لے کر بریک میں داخل ہوئیں ۔
سندھو کی شکست کا سلسلہ جاری بریک بعد ینگ نے واپسی کی اور سندھو کو دو پوائنٹس کے فرق سے شکست دے کر میچ کو تیسرے گیم میں لے گئیں۔تیسرے گیم میں ینگ غالب رہیں۔ وہ 6-3 سے آگے تھیں اور بریک میں 8-4 کے اسکور کے ساتھ گئیں۔
بریک کے بعد ینگ نے سندھو کو واپسی نہیں کرنے دی۔اس مقابلے میں یہ حیدرآباد کی تیسری شکست ہے۔ سندھو سے پہلے کھیلے گئے دو اور مقابلوں میں حیدرآباد کو شکست ملی۔
دن کے پہلے مرد ڈبلز زمرے کے میچ میں حیدرآباد کے بین لین اور ولادیمیر ایوانوف کی جوڑی کے سامنے بنگلور کے پینگ سون چان اور ریان اگنگ ساپرتو کی جوڑی تھی۔ بنگلور نے یہ میچ 15-13، 9-15، 15-12 سے اپنے نام کیا۔
سندھو کی شکست کا سلسلہ جاری دن کا دوسرا میچ مردوں کے سنگلز زمرے کا تھا۔ بروس لیورڈیز سے توقع تھی کہ وہ بنگلور کے فاتح مہم کو جاری رکھیں۔ انہوں نے ٹھیک ایسا ہی کیا اور تین گیموں تک چلے میچ میں حیدرآباد کے سوربھ ورما کو 15-12، 10-15، 15-6 سے ہرا دیا۔
پہلے گیم میں سوربھ نے اچھا کھیلا اور پوائنٹس کے فرق کو زیادہ بڑھنے نہیں دیا۔ بریک میں بروس 8-6 کے اسکور کے ساتھ گئے۔ واپسی میں وہ گیم اپنے نام کرنے میں آسانی سے کامیاب رہے۔دوسرے گیم میں سوربھ زیادہ مسابقتی نظر آئے۔ آغاز میں اسکور 1-1 تھا۔
بروس ایک بار پھر بریک میں 8-7 کے ساتھ جانے میں کامیاب رہے لیکن اس بار لوٹتے ہوئے سوربھ نے اپنا پلڑا بھاری کر لیا۔ پہلے انہوں نے اسکور 11-9 کیا اور پھر 15-10 سے گیم اپنے نام کر کے میچ کو تیسرے گیم میں لے گئے۔ تیسرے گیم میں سوربھ صرف چھ پوائنٹس ہی لے پائے۔
