سرینگر: سونو سود نے چھاپڑی فروش کی تشہیر کی

بالی ووڈ اسٹار سونو سود سرینگر کے بٹہ مالو علاقے میں ایک چھاپڑی فروش شمیم خان کے اسٹال پر پہنچ کر ان سے چپلوں کی قیمت دریافت کی اور ڈسکاونٹ کا بھی مطالبہ کیا، بعد میں اپنے مداحوں سے گزارش کی کہ وہ خان کے اسٹال پر خریداری کرنے ضرور آئیں۔

بالی ووڈ اداکار سونو سود اس وقت مرکز کے زیر انتظام جموں و کشمیر کی گرمائی دارالحکومت سرینگر میں جموں و کشمیر کی نئی فلم پالیسی متعارف کرانے کے سلسلے میں موجود ہیں۔

جمعہ کے روز سونو سود نے بٹہ مالو کے ایک چھاپڑی فروش کے اسٹال پر نظر آئے جہاں انھوں نے اس کے سامان کی تشہیر کی جس کی وجہ سے چھاپڑی فروش حیران ہوگیا۔

اس کے بعد سونو سود نے چھاپڑی فروش شمیم خان کے ساتھ گفتگو بھی کی اور ان سے چپلوں کی قیمت دریافت کرکے ان سے کچھ رعایت بھی مانگ رہے ہیں اور بعد میں اپنے مداحوں سے گزارش کی کہ وہ خان کے اسٹال پر خریداری کرنے ضرور آئیں۔

اداکار نے اپنے انسٹا گرام پر ایک ویڈیو بھی پوسٹ کی ہے جس میں وہ اپنے چاہنے والوں سے گزارش کرتے ہیں کہ "جو بھی جوتے خریدنا چاہتے ہیں وہ شمیم بھائی کے اسٹال پر آئیں اور اگر آپ میرا نام لیں گے تو وہ آپ کو چھوٹ بھی دینگے۔

قابل ذکر ہے کہ 48 سالہ سونو سود نے عالمی وبا کورونا وائرس کے دوران مہاجر مزدوروں کی مدد کرنے کی وجہ سے کافی زیادہ عوامی پذیرائی حاصل کی ہے۔