مشہور ٹی وی شو پرتیگیا 2 ٹی وی اسکرین پر نشر کےلیے تیار

مشہور ٹی وی شو من کی آواز پرتیگیا کا سیزن 2 جلد ہی آپ کی ٹی وی کی سکرین پر نظر آنے والا ہے۔یہ شو اسٹار بھارت پر نشر ہوگا۔

'من کی آواز پرتیگیا' نو سال بعد دوسرے سیزن کے ساتھ دوبارہ ٹیلی ویژن پر نشر ہونے کے لیے تیار ہے۔ممبئی میں ایک پروموشنل پروگرام کے دوران شو کے معروف اور مرکزی اداکار نے اپنے کردار کے بارے میں بات کی۔

اس شو کا پریمئیر تقریبا ایک دہائی قبل سنہ 2009 میں نشر کیا گیا تھا اور تقریبا تین سال بعد 2012 کو اس شو کو ہٹادیا گیا تھا۔اب یہ تقریبا 9 سال بعد واپس ٹی وی کی دنیا میں قدم رکھنے کے لیے تیار ہے۔

اس شو کا مرکزی کردار پوجا گور ہی ادا کریں گی جو اس شو کے پہلے سیزن میں بھی نظر آچکی ہیں۔ان کا آخری ٹی وی شو 6 سال پہلے میری آواز کو ملی گئی روشنی ہے۔اس سیزن میں بھی پوجا گور، ارہان بہل اور انوپم شیام ہی مرکزی کردار میں نظر آئیں گے۔

واضح رہے کہ اس شو کا سیزن 2 ایک دہائی کے بعد ٹیلی ویژن پر نشر ہونے والا ہے۔