آسکر ایوارڈ یافتہ اداکارہ اولیویا ڈے ہیویلینڈ نہیں رہیں

آسکر ایوارڈ یافتہ ہالی وُڈ کی اداکارہ اولیویا ڈے ہیویلینڈ 104 برس کی عمر میں چل بسیں۔

سنہ 1939ء کی کلاسک فلم 'گون وِد دا وِنڈ' میں اداکاری کے جوہر دکھانے والی اولیویا ڈے ہیویلینڈ پیرس میں اپنے گھر میں انتقال کر گئیں۔

آسکر ایوارڈ یافتہ ہیویلینڈ ہالی وُڈ کے سنہری دور کی آخری حیات اداکارہ تھیں۔ 'گون وِد دا وِنڈ' نامی فلم میں اُن کے ساتھ کام کرنے والے تقریباً سبھی ساتھی اداکار ان سے پہلے انتقال کر چکے ہیں۔

دو بار آسکر ایوارڈ یافتہ ہیویلینڈ کو آج بھی گون وِد دا وِنڈ کے حوالے سے ہی یاد کیا جاتا ہے۔

ہالی وُڈ میں اپنے کیریئر کا آغاز انہوں نے 19 برس کی عمر میں کیا۔ ان کے کیریئر کی یادگار ترین فلم ظاہر ہے 'گون وِد دا ونڈ' ہی ہے جس نے آٹھ آسکر ایوارڈ جیتے تھے اور ریکارڈ بزنس کیا تھا۔ آج بھی اس فلم کو سب سے زیادہ کمانے والی فلموں میں شمار کیا جاتا ہے۔

تاہم ہیویلینڈ کو اس فلم میں ’بہترین معاون اداکارہ‘ کا آسکر ایوارڈ نہ مل سکا بلکہ یہ ایوارڈ ان کی ساتھی اداکارہ ہیٹی میک ڈینیئل کو ملا جو کسی افریقی امریکی کو ملنے والا پہلا اکیڈمی ایوارڈ تھا۔

ڈے ہیویلینڈ نے بعد ازاں بہترین اداکارہ کا آسکر ایوارڈ 1946ء میں ’ٹو اِیچ ہِز اون‘ نامی فلم میں اداکاری پر حاصل کیا جس میں انہوں نے ایک غیر شادی شدہ ماں کا کردار ادا کیا تھا۔ تین برس بعد ہی انہیں ایک بار پھر بہترین اداکارہ کا آسکر ایوارڈ ملا جو انہیں ولیم وائلر کی فلم ’دی ہیئریس‘ میں اداکاری پر دیا گیا۔

سنہ 2008 میں ،ڈے ہیویلینڈ کو قومی میڈل آف آرٹس ملا اور دو سال بعد فرانس کے لیجن آف آنر سے نوازا گیا۔

برطانوی والدین کے ہاں ڈے ہیویلینڈ کی پیدائش 1 جولائی 1916 کو ٹوکیو میں ہوئی تھی۔ تاہم وہ ابھی تین سال کی تھیں کہ ان کے والدین الگ ہو گئے اور ان کی والدہ انہیں اور ان کی چھوٹی بہن جان کو، کے ساتھ کیلیفورنیا منتقل ہو گئیں۔

ڈے ہیویلینڈ کی اپنی دو شادییں ، مارکس گڈریچ اور پیئر گالانٹ سے ، طلاق کے بعد ختم ہوگئیں۔

ڈے ہیویلینڈ کو ان کی بہترین اداکاری کے لیے آج بھی یاد کیا جاتا ہیں۔