گلوکارہ جینیفر نے کوبے برائنٹ اور جیانا کے انتقال پرغم کا اظہار کیا

جینیفر نے اپنے انسٹاگرام اکاؤنٹ پر کھلاڑی کوبے برائنٹ اور ان کے اہل خانہ کے ساتھ اپنی کئی تصویروں کا اشتراک کیا اس دوران انہوں نے ہلاک ہونے والے کوبے برائنٹ کے لیے دعا کی اور اہل خانہ کے ساتھ اظہار ہمدردی کیا۔

گلوکارہ نے برائنٹ کی اہلیہ وینیسا برائنٹ کے لیے دعائیں کی اور ان کے اہل خانہ کے ساتھ افسوس ہمدردی کا اظہار کیا، انہوں نے اپنے انسٹا گرام پوسٹ میں لکھا کہ ' جیسے ہی انہیں ان کی موت کی اطلاع ملی تو انتہائی افسردہ ہو گئی اور سامنے ساتھ گذارے ہوئے وہ سارے پل یاد آگئے اور ان کے ساتھ گذارے ان سبھی لمحات کو یاد کر کے غمزدہ ہو گئی۔

گلوکارہ جینیفر نے کوبے برائنٹ اور جیانا کے انتقال پرغم کا اظہار کیا

اپنے انسٹا گرام پوسٹ میں انہوں نے مزید لکھا 'یہ ایک ایسی حقیقت ہے جسے ہم انحراف نہیں کر سکتے ہیں، فیملی سب سے زیادہ اہم ہے۔ ہم سب کو ان کی موت کا افسوس ہے اور ہم سمجھ سکتے ہے کہ ونیسا پے کیا گزر رہی ہے'۔

جینیفر نےمزید لکھا ہے 'میں اپنی طرف سے آپ کے بچوں اہل خانہ کے دیگر افراد کے تئیں نیک خواہشات کا اظہار کرتی ہوں۔ آپ کے اہل خانہ ان دنوں مشکلات سے دوچار ہیں، زندگی میں سب سے غیر منصفانہ بات یہ ہے کہ ایک ہی دن اپنے بچے اور شوہر سےانسان محروم ہوجائیں'۔

'میں خدا سے دعا کرتی ہوں کہ آپ کو اس اندوہناک حادثے سے ابھرنے کے لیے وہ ہر قدم پر آپ کی رہنمائی کرے۔ اس کے علاوہ دیگر اہل خانہ کے لیے بھی میرے جذبات ہیں کہ خدا ان کی اس مشکل گھڑی میں ہمیشہ ان کے ساتھ ہو '۔

واضح رہے کہ امریکی باسکٹ بال کے کھلاڑی کوبے برائنٹ اور ان کی 13 سالہ بیٹی گیانا ماریا اونور برائنٹ کے علاوہ دیگر 9 افراد ایک ہیلی کاپٹر حادثے میں ہلاک ہو گئے، ان کا ہیلی کاپٹر کالاباس کی پہاڑیوں میں گرکر تباہ ہوگیا۔

ذرائع کے مطابق برائنٹ اور اس کی بیٹی کو اتوار کی سہ پہر میں ہونے والے باسکٹ بال کھیل کے لئے تھاوزنڈ اوکس میں واقع ممبا اسپورٹس اکیڈمی میں شرکت کے لیے جارہے تھے۔