Madhuri and Neena on Women Roles in Cinema: 'اب خواتین صرف کہانی کا حصہ نہیں بلکہ کہانی ہیں'

مادھوری ڈکشٹ اور نینا گپتا نے عالمی یوم خواتین 2022 کے موقع پر تفریحی دنیا میں خواتین کی بڑھتی حصہ داری پر کہا ہے کہ 'انٹرٹینمنٹ کی دنیا میں ہورہے ارتقا کا بدلتے ہوئے معاشرے کے ساتھ تال میل ہے۔ دونوں اداکاروں کا ماننا ہے کہ پچھلی چند دہائیوں میں ہندوستانی مواد میں بڑی تبدیلی آئی ہے جہاں اب خواتین صرف کہانی کا حصہ نہیں ہیں بلکہ وہ خود کہانی ہیں'۔ Madhuri and Neena on Women Roles in Cinema

خواتین کے عالمی دن کے موقع پر بالی ووڈ اداکارہ نینا گپتا اور مادھوری ڈکشٹ نے خواتین فنکاروں کے حوالے سے بھارتی سنیما میں آرہی تبدیلی پر اپنے خیالات کا اظہار کیا اور بتایا کہ یہ تبدیلی کس طرح مزید تبدیلی لاسکتی ہے'۔ Madhuri and Neena on Women's Day 2022

اس موقع پر تبصرہ کرتے ہوئے نینا گپتا نے اپنے خیالات کا اظہار کرتے ہوئے کہا کہ ' انٹرٹیمنٹ کی دنیا میں ہورہے ارتقاء کا تعلق بدلتے ہوئے معاشرے کے ساتھ بالکل تال میل بنائے ہوئے ہے۔ سماج کا ارتقاء ہونے کے ساتھ ساتھ انٹرٹینمٹ کی دنیا بھی بدل رہی ہے۔ آج خواتین اپنے گھر کے اخراجات اٹھا رہی ہے، کاروبار اور ٹیم کی قیادت کر رہی ہے اور زندگی کے ہر پہلوں میں ایک مرکزی شخص کا کردار ادا کر رہی ہے اور جو کردار مجھے آفر کیے جاتے ہیں وہ کہانی کا مرکز ہوتا ہے۔ آج کے اسکرپٹ میں عورتوں کا کردار مردوں پر منحصر نہیں ہے بلکہ وہ کردار اپنے بل بوتے پر کھڑا ہوتا ہے'۔Female Artist in Indian Cinema

اسٹریمنگ پلیٹ فارم نیٹفلکس کے یوم خواتین پروگرام کے موقع پر بات کرتے ہوئے انہوں نے مزید کہا کہ ' مجھے پسند ہے کہ مجھے ہر روز ایسی کہانیاں دیکھنے کو ملتی ہے جو بااثر خواتین کی زندگیوں کی عکاسی کرتی ہے۔ ان کرداروں کی تمام پرتوں، رنگوں اور خامیوں کو پیش کرنا اچھا لگتا ہے۔ یہ کہنے میں تشفی ہوتی ہے کہ اب اس میں تبدیلی آئی ہے۔ اب ہم صرف کہانی کا حصہ نہیں ہیں بلکہ ہم کہانی ہیں'۔

نینا نے مزید کہا کہ ' بھارتی مواد میں ان خواتین کی وجہ سے بہت تبدیلی آئی ہے جو کیمرے کے پیچھے رہ کر یہ تمام کہانیاں تیار کرتی ہیں۔ خواتین مصنفین، ہدایتکار، پروڈیوسر بھی اس تبدیلی کے پیچھے کی وجہ ہیں جنہوں نے یہ تبدیلی لانے کی طاقت دکھائی'۔

اس موضوع پر اپنی رائے کا اظہار کرتے ہوئے مادھوری ڈکشٹ نے کہا کہ "ایک تبدیلی آئی ہے، اور یہ تبدیلی زبردست ہے۔ خواتین کو اب صرف خوبصورت چہرے یا انہیں بدلہ لینے والے فرشتے کے طور پر نہیں دکھایا جاتا ہے۔ آج خواتین کو ایک مکمل انسان کے طور پر دیکھا جاتا ہے، جو مختلف پیشوں سے مختلف کردار ادا کر رہی ہیں۔ چاہے وہ ریاضی دان یا کھلاڑی ہو یا اپنے خواب مکمل کرنے والی گھریلو خاتون ہو۔ خواتین ہر روز مختلف کردار ادا کر رہی ہیں اور انڈسٹری میں اس تبدیلی کو دیکھ کر مزہ آرہا ہے'۔