بالی ووڈ اداکارہ سوارا بھاسکر نے سوشل میڈیا پر ایک ویڈیو شیئر کی ہے۔ دیر رات کسی تقریب سے واپس آنے کے بعد اداکارہ نے ویڈیو شیئر کرتے ہوئے کہا کہ ' سنگل رہنا کتنی بری چیز ہے'۔سوارا، جو اپنے بے باک انداز کی وجہ سے ہمیشہ سرخیوں میں رہتی ہیں، نے سنہ 2019 میں بھی ایسا ہی ایک ویڈیو شیئر کیا تھا۔
سوارا کی سوشل میڈیا فیڈ سے معلوم ہوتا ہے کہ اداکارہ نے اپنی سب سے قریبی دوست سونم اور ریا کپور کے ساتھ کسی تقریب میں شرکت کی تھی۔ اس تقریب میں نورا فاتحی، مسابا گپتا، کشا کپیلکا اور دیگر مشہور شخصیات نے بھی شرکت کی تھی۔ اس تقریب کے لیے سوارا نے کالے رنگ کا لباس زیب تن کیا تھا، جس میں وہ بے حد خوبصورت تو نظر آرہی تھیں لیکن لگتا ہے کہ اس لباس نے انہیں بہت پریشان کیا ہے۔
سوارا نے انسٹاگرام میں ویڈیو پوسٹ کرتے ہوئے اس طرح کے خوبصورت لباس کو اتارنے میں ہونے والی مشکلات کے بارے میں بات کرتے ہوئے کہا کہ ' میں بتا رہی ہوں کہ یہ ایک مسئلہ ہے، ایک سنگل لڑکی جو اکیلے رہتی ہے وہ کیسے ان پیچیدہ فینسی کپڑوں سے نکل پائے گی، میں جاننا چاہتی ہوں۔ اس کے علاوہ کشا کپیلکا نے ہم سب کو ریلز بنانے کو کہا تھا اور میں نے یہ فضول سا ویڈیو بنایا ہے'۔