پی وی سندھو پر فلم بنے گی

بالی وڈ اداکار سونو سود بھارت کی اسٹار بیڈمنٹن کھلاڑی پی وی سندھو پر فلم بنائیں گے۔

ان دنوں بالی وڈ میں معروف شخصیات پر فلم بنانے کا رواج عروج پر ہے۔ بھارت کی اسٹار کھلاڑی اور بیڈمنٹن ورلڈ چیمپیئن پی وی سندھو پر بھی ایک بائیوپک بن رہی ہے۔

پوسرلا وینکٹا سندھو نے ورلڈ بیڈمنٹن چیمپیئن شپ میں گولڈ میڈل جیت کر بھارت کا سر فخر سے اونچا کردیا ہے۔ پی وی سندھو کی اس جیت سے بالی وڈ میں بھی خوشی کی لہر ہے۔

سونو کافی وقت سے اس بائیوپک پر کام کررہے ہیں۔ اس بائیو پک کا نام سندھو ہوگا اوراس کی شوٹنگ جلد ہی شروع ہوجائے گی۔

سندھو کے کردار میں بالی وڈ کی اداکارہ دیپیکا پادوکون نظر آسکتی ہیں۔