The Kashmir Files Box Office Collection: کشمیر فائلز نے ریلیز کے آٹھویں دن باہوبلی 2 کے برابر کی کمائی

وویک اگنی ہوتری کی ہدایتکاری میں بنی فلم 'دا کشمیر فائلز' نے اپنی ریلیز کے آٹھویں دن تاریخ رقم کرلی ہے کیونکہ فلم نے بھارتی سنیما کی سب سے مقبول فلم باہوبلی 2 کے برابر کی کمائی کرلی ہے۔دا کشمیر فائلز کو 11 مارچ کو سنیما گھروں میں ریلیز کیا گیا تھا۔ The Kashmir Files Box Office Collection

فلمساز وویک اگنی ہوتری کی حال میں ریلیز ہوئی فلم دا کشمیر فائلز ٹکٹ کھڑکی پر مسلسل اپنا قبضہ بنائی ہوئی ہے۔ رپورٹ کے مطابق اکشےکمار کی فلم بچن پانڈے کی ریلیز کے باوجود یہ فلم باکس آفس پر زبردست کمائی کر رہی ہے۔ دا کشمیر فائلز نے اپنی ریلیز کے آٹھویں دن تاریخ رقم کرتے ہوئے باہوبلی 2 کے برابر کی کمائی کرلی ہے۔ Kashmir Files 8th Day Box Office Collection

تجارتی ماہر ترن آدرش نے کشمیر فائلز کی باکس آفس کمائی کی تازہ ترین رپورٹ شیئر کی ہے۔ ترن نے اپنے ٹویٹر پر لکھا ہے کہ ' کشمیر فائلز نے تاریخ رقم کرلی ہے۔ فلم نے آٹھویں دن 19.15 کروڑ کا کاروبار کیا ہے جس نے فلم باہوبلی 2 کے برابر(19.75 کروڑ) اور دنگل( 18.59 کروڑ) سے زیادہ کی کمائی کی ہے۔ فلم نے ابھی تک کل 116.45 کروڑ روپے کی کمائی کی ہے۔ Kashmir Files Box Office at Par with Bahubali 2

شائقین کی جانب سے فلم کو غیر معمولی ردعمل ملنے کے بعد دا کشمیر فائلز کے میکرز فلم کو تمل، تیلگو، کنڑ اور ملیالم میں زبان میں ڈب کر رہے ہیں۔باکس آفس پر اپنی مضبوط پکڑ بنانے کے ساتھ فلم نے ریلیز کے پہلے ہفتے میں 100 کروڑ روپے کے کلب میں جگہ بنالی تھی۔

کشمیر فائلز کی کہانی سال 1990 میں کشمیری پنٖڈتوں کی نسل کشی پر مبنی ہے۔ فلم 11 مارچ کو سنیما گھروں میں ریلیز ہوئی تھی۔فلم کو اتر پردیش، تریپورہ، گوا، ہریانہ اور اتراکھنڈ سمیت کئی ریاستوں میں ٹیکس فری قرار دیا گیا ہے۔