اردو

urdu

ETV Bharat / sitara

اکشے کمار کی فلم ’پرتھوی راج‘ کا ٹیزر ریلیز - ETV BHARAT URDU

اکشے کمار نے کہا ’’پرتھوی راج کا ٹیزر فلم کی روح کی عکاسی کرتا ہے۔ شہنشاہ پرتھوی راج چوہان کی زندگی کے جوہر جو کوئی نہیں جانتا تھا، اسی بہادری اور ان کی زندگی کو ہمارا خراج تحسین ہے۔

اکشے کمار کی فلم ’پرتھوی راج‘ کا ٹیزر ریلیز
اکشے کمار کی فلم ’پرتھوی راج‘ کا ٹیزر ریلیز

By

Published : Nov 16, 2021, 1:08 PM IST

بالی ووڈ اداکار اکشے کمار کی آنے والی فلم پرتھوی راج کا ٹیزر ریلیز کردیا گیا ہے۔ یش راج فلمز کے بینر تلے بنی فلم ’پرتھوی راج‘ بہادر سپاہی پرتھوی راج چوہان کی زندگی پر مبنی ہے۔ فلم میں اکشے کمار پرتھوی راج چوہان کے کردار میں نظر آنے والے ہیں۔ اس فلم کے ذریعے سابق مس ورلڈ مانوشی چھلر بالی ووڈ میں ڈیبیو کررہی ہیں۔ فلم پرتھوی راج کا پہلا ٹیزر ریلیز کر دیا گیا ہے۔

فلم کے ٹیزر میں اکشے کمار اپنے ساتھی فوجیوں کے ساتھ میدان جنگ میں اپنے کوچ میں کھڑے ہوتے ہیں جب کہ سنجے دت بھی میدان میں نظر آتے ہیں۔

اس کے بعد ٹیزر میں سنجوگیتا کا کردار ادا کر رہی مانوشی چھلر کی ایک جھلک نظر آتی ہے۔

فلم میں اکشے کمار، مانوشی چھلر، سونو سود، سنجے دت، آشوتوش رانا اور ساکشی تنور نے مرکزی کردار ادا کیے ہیں۔ فلم کے ہدایت کار ڈاکٹر چندر پرکاش دویدی ہیں اور یہ فلم 21 جنوری 2022 کو سینما گھروں میں ریلیزہوگی۔

اکشے کمار نے کہا ’’پرتھوی راج کا ٹیزر فلم کی روح کی عکاسی کرتا ہے۔

شہنشاہ پرتھوی راج چوہان کی زندگی کے جوہر جو کوئی نہیں جانتا تھا، اسی بہادری اور ان کی زندگی کو ہمارا خراج تحسین ہے۔

جتنا زیادہ میں نے ان کے بارے میں پڑھا، اتنا ہی میں اس بات سے حیران تھا کہ انہوں نے اپنے ملک اور اپنے اقتدار کے لئے اپنی شاندار زندگی کے ایک ایک لمحہ کو کس طرح گزارا۔

وہ ایک لیجنڈ ہے اور بہادر سپاہیوں میں سے ایک ہیں اور وہ سب سے ایماندار بادشاہوں میں سے ایک ہے جسے کبھی ہمارے ملک نے دیکھا ہے۔

ہمیں امید ہے کہ دنیا بھر کے ہندوستانی اس عظیم بہادر کو ہمارا سلام پسند کریں گے۔ ہم نے ان کی زندگی کی کہانی کو ممکنہ حد تک مستند انداز میں پیش کرنے کی کوشش کی ہے اور یہ فلم ان کی بے مثال بہادری اور جرات کو خراج تحسین ہے۔

یو این آئی

ABOUT THE AUTHOR

...view details