سنیل پال نے بھوشن کمار کو دیا انتباہ، سونو کو پریشان کرنا چھوڑیں

حال ہی میں سونو نگم نے میوزک مافیا کے خلاف ایک ویڈیو شیئر کیا، جس کے بعد سوشل میڈیا پر انڈسٹری میں ہونے والی 'اقرباء پروری' اور 'اسٹار پاور' کے خلاف تنازع میں اضافہ ہو گیا۔

وہیں اپنے حالیہ ویڈیو میں سونو نگم نے بھوشن کمار کو کہا تھا کہ ' مجھ سے پنگا لینے کی کوشش مت کرنا۔'

مشہور کامیڈین سنیل پال نے سونو نگم کی تائید کرتے ہوئے ویڈیو شیئر کیا ہے اور بھوشن کمار کو خوب کھری۔ کھوٹی سنائی۔ ساتھ ہی انہوں نے اقرباء پروری اور 'اسٹار پاور' کی بھی پول کھولی۔

اس ویڈیو میں سنیل پال' سونو نگم کو ایک اچھا انسان بتا رہے ہیں اور ان کے بارے میں کہ رہے ہیں کہ 'وہ گاڈ آف سنگیت ہیں۔' وہ صلاحیت سے بھرپور ہیں، وہ کسی کے محتاج نہیں ہیں۔

سنیل پال ویڈیو میں بھوشن کمار کو مخاطب ہوتے ہوئے کہ رہے ہیں کہ سونو نگم کو پریشان کرنا چھوڑ دیں۔