Suhana Khan Bollywood Debut: سہانہ خان اور بگ بی کے ناتی اگستیہ بالی ووڈ میں قدم رکھنے کو تیار

سہانہ خان اور امیتابھ بچن کے ناتی اگستیہ نندا، زویا اختر کی آئندہ فلم 'دی آرچیز' میں ایک ساتھ نظر آسکتے ہیں۔ حالانکہ اس حوالے سے کوئی بیان جاری نہیں کیا گیا ہے، لیکن کل رات سہانہ اور اگستیہ کو ایک ساتھ دیکھے جانے کے بعد یہ قیاس آرائیاں تیز ہوگئی کہ دونوں جلد ہی بالی ووڈ میں قدم رکھ سکتے ہیں۔ Suhana Khan and Agastya Nanda Spotted Together

بالی ووڈ سپر اسٹار شاہ رخ خان کی بیٹی سہانہ خان کو 22 فروری کو ممبئی میں دیکھا گیا۔ ان دنوں سہانہ کی بالی ووڈ ڈیبیو کو لے کر کئی خبریں سامنے آرہی ہیں کہ وہ زویا اختر کی ہدایتکاری میں بنی فلم میں کام کرسکتی ہیں۔ Suhana Khan Debut in Zoya Akhtar's Film

انہی خبروں کے درمیان کل رات سہانہ اور امیتابھ بچن کے ناتی اگستیہ نندا کو ایک ساتھ دیکھا گیا۔ واضح رہے کہ اس دوران فلم ہدایتکار زویا اختر بھی ان کے ساتھ نظر آئیں جس کے بعد سے یہ قیاس آرائیاں تیز ہوگئی کہ یہ دونوں جلد ہی بالی ووڈ میں قدم رکھنے والے ہیں۔ Suhana Khana and Agastya Nanda

سہانہ کا ایک ویڈیو سوشل میڈیا پر خوب وائرل ہورہا ہے، جس میں سہانہ خان اور اگستیہ ایک ہی کار میں بیٹھے نظر آرہے ہیں۔

اطلاع کے مطابق ابھرتی ہوئی اداکار سہانہ خان ڈانس کلاس کرنے کے لیے یہاں پہنچی تھی، جہاں ان کا ساتھ دینے کے لیے اگستیہ بھی موجود تھے۔ یہ دونوں زویا اختر اور ریما کاگتی کی فلم دی آرچیز میں مرکزی کردار ادا کرسکتے ہیں۔ یہ فلم زویا اور ریما کی پہلی فلم ہے جسے ان کے ' ٹائیگر بے بی فلمز' کے بینر تلے فلمایا جائے گا۔

جیسا کہ ہم نے پہلے بتایا کہ سہانہ مرکزی کردار ادا کریں گی۔ وہیں میکرز اس رومانوی ڈرامے کے لیے دیگر نوجوان اداکاروں کا انتخاب کرنے کے آخری عمل میں ہے۔

اطلاع یہ بھی ہے کہ زویا سری دیوی اور بونی کپور کی چھوٹی بیٹی خوشی کپور کو بھی اس فلم میں لینے کا منصوبہ بنا رہی ہیں۔ اگر یہ سچ ہے تو اس فلم کے ذریعہ تین اسٹار کڈ بالی ووڈ میں قدم رکھنے والے ہیں۔