بالی ووڈ اداکار سونو سود نے آن لائن کلاسیز کے لئے بچوں کو موبائل فون دینے کا فیصلہ لیا ہے۔ کورونا وبائی بیماری کے دوران مسیحا بن کر آئے سونو سود کسی کی مدد کرنے کے لئے پیچھے نہیں ہٹتے۔
سونو ملک کا مستقبل بہتر بنانے کی غرض سے کام کررہے ہیں پہلے بچوں کو اسکالر شپ دے کر اب سونو سود نے آن لائن کلاس کے لئے بچوں کو موبائل فون دینے کا ارادہ کیا ہے۔ یہ ان بچوں کو دیئے جائیں گے جو اسمارٹ فون خریدنے کے اہل نہیں ہیں۔
سونو سود کو ایک ایجوکیشن آرگنائزیشن نے ٹوئیٹ کرکے ان سے مدد مانگی تھی۔ جس سے بچوں کی پڑھائی میں کسی طرح کی پریشانی نہ ہو۔ انہوں نے ٹوئٹ کیا کہ پوجا، عافیہ روزمرہ کام کرنے والے مزدوروں کے بچے ہیں۔ یہ دونوں بچے اسمارٹ فون نہ ہونے کی وجہ سے آن لائن کلاس نہیں لے پارہے ہیں۔ آپ ان کی پڑھائی کے لئے فون دستیاب کرایئے۔
سونو سود نے ٹوئٹ کے ذریعہ جواب دیا کہ کوئی بھی بچہ پڑھائی کے بغیر نہیں رہے گا۔ آپ سبھی کے لئے فون بھیج رہا ہوں۔
یو این آئی
