سوناکشی نے پی پی ای کٹس عطیہ کرنے پر مداحوں کا شکریہ ادا کیا

سوناکشی نے ہسپتال کے لیے تیار کیے جا رہے پی پی ای کٹس کو لے جانے والے بڑی ڈبوں کی تصاویر شیئر کی ہے۔

سوناکشی سنہا کے پرستاروں نے پونے کے سردار ولبھ بھائی پٹیل ہسپتال میں ذاتی حفاظتی سامان (پی پی ای) کا عطیہ کیا ہے۔ اسی دوران اداکارہ نے ان کا شکریہ ادا کرنے اور ان کے فلاحی کام کے بارے میں لوگوں بتانے کے لیے سوشل میڈیا کی مدد لی۔

سوناکشی نے کہا ، آپ سبھی پیارے لوگ، آپ کے تعاون اور اعتماد کے لئے آپ کا شکریہ۔ ٹاپ گریڈ پی پی ای کٹس کی ایک بڑی کھیپ سردار پٹیل ہسپتال، پونے کے لئے فیکٹری سے روانہ ہو رہی ہے! ہمیں اپنے فرنٹ لائن میڈیکل عملے کو محفوظ رکھنا ہے، ہم ایسا کریں گے نا؟ بہت سارا پیار اور شکریہ۔'

واضح رہے کہ اداکارہ کووڈ۔19 وبا کے دوران میڈیکل عملے کے لئے پی پی ای کٹس کے لئے مہم چلا رہی ہیں۔