اکشےکو مزید ترجیح ملنا طے:سوناکشی

بالی وڈ کی دبنگ گرل سوناکشی سنہا کے مطابق اکشے کمار سب سے زیادہ قیمت میں فروخت ہونے والےاداکار ہیں، اس لئے فلم مشن منگل میں انہیں مزید ترجیح ملنا تقریباً طے ہے۔

اصل میں اکشے، ودیا بالن، سوناکشی سنہا اور تاپسی پنو کی فلم مشن منگل 15 اگست کے موقع پر ریلیز ہونے والی ہے۔ فلم کی ریلیز سے پہلے اس کے پوسٹر، ٹریلر جاری ہوچکے ہیں۔ فلم کے پوسٹر میں اکشے کمار کو زیادہ اہمیت دی گئی ہے۔

اکشے، ودیا بالن، سوناکشی سنہا اور تاپسی پنو کی فلم مشن منگل 15 اگست کے موقع پر ریلیز ہونے والی ہے

جب سوناکشی سے پوسٹر پر اکشے کو زیادہ جگہ دیے جانے پر سوال کیا گیا تو انہوں نے کہا کہ ۔''یہ بھی حقیقت ہے کہ جو بکتا ہے وہی دکھائی دیتا ہے۔یہ بات کسی نے مجھ سے کافی وقت پہلے کہی تھی۔ مجھے آج بھی یہ یاد ہے ۔ اکشے سب سے زیادہ بکنے والے ستارے ہیں اس لئے انہیں فلم میں مزید ترجیح ملنا طے ہے''۔