31 جولائی کو ریلیز ہوگی ودیا کی شکنتلا دیوی

بالی ووڈ اداکارہ ودیا بالن کی آنے والی فلم 'شکنتلا دیوی' 31 جولائی کو ایمیزون پرائم پر ریلیز ہوگی۔

قبل ازیں ودیا بالن کی فلم شکنتلا دیوی پہلے سینما گھروں میں ریلیز ہونے والی تھی لیکن لاک ڈاؤن کی وجہ سے سنیما گھر بند ہونے کی وجہ سے یہ فلم او ٹی ٹی پلیٹ فارم پر ریلیز کی جارہی ہے۔ ودیا نے فلم کی ریلیز کی تاریخ کا اعلان کردیا ہے۔ یہ فلم 31 جولائی کو ایمیزون پرائم پر پیش کی جائے گی۔

فلم شکنتلا دیوی میں ودیا عالمی سطح پر مشہور ریاضی کی باصلاحیت شکنتلا دیوی کا کردار ادا کرتی نظر آئیں گی۔

شکنتلا دیوی کو ہیومن کمپیوٹر بھی کہا جاتا تھا۔ اس فلم میں ودیا کی بیٹی کے کردار میں ثانیہ ملہوترا نظر آئیں گی۔ ودیا اور ثانیہ ملہوترا کی اس فلم میں امیت سادھ اور جیشو سین گپتا بھی اہم کردار میں دکھائی دیں گے۔