Sanya Malhotra's Next Film Kathal: ثانیہ ملہوترا اپنی آئندہ فلم 'کٹھل' میں پولیس کا کردار ادا کریں گی

فلم کٹھل سے ثانیہ ملہوترا کا لُک سامنے آگیا ہے۔اداکارہ اس فلم میں ایک پولیس اہلکار کا کردار ادا کرتے ہوئے نظر آئیں گی، اس فلم کی ہدایتکاری یشوردھن مشرا کر رہے ہیں، جو ان کی پہلی فلم ہے۔ کٹھل میں اننت جوشی بھی اہم کردار ادا کر رہے ہیں۔ Sanya Malhotra's next Film Kathal

بالی ووڈ اداکارہ ثانیہ ملہوترا اپنی آئندہ فلم کٹھل کے لیے تیار ہیں، یہ فلم او ٹی ٹی پلیٹفارم نیٹفلکس پر ریلیز ہوگی۔ یہ فلم خواتین پر مبنی ہے، جس کی ہدایتکار یشووردھن کر رہے ہیں اور یہ ان کی پہلی فلم ہے۔ Sanya Malhotra to play cop in Kathal

یہ فلم ایک چھوٹے شہر کی کہانی کو بیان کرتی ہیں، جہاں ایک مقامی سیاستدان کا قیمتی پھل یعنی کٹھل غائب ہوجاتا ہے اور مہیما نامی ایک نوجوان پولیس افسر، جس کا کردار ثانیہ ادا کر رہی ہیں، خود کو ثابت کرنے کے لیے کیسے اس عجیب و غریب معاملے کو حل کرتی ہیں۔اس فلم کو نیٹفلکس پر ریلیز کیا جائے گا اور فلم کو پروڈیوسر گنیت مونگا کی سکھیا انٹرٹینمنٹ اور بالا جی ٹیلی فلمز کے بینتر تلے فلمایا جائے گا۔

سکھیا انٹرٹینمنٹ کی سی ای او مونگا نے کہا کہ ان کی کمپنی ہمیشہ منفرد، دل کو چھو جانے والی کہانی کو لوگوں کے سامنے پیش کرنے کی کوشش کرتی ہے۔ وہ ثانیہ ملہوترا، نیٹفلکس اور بالاجی ٹیلی فملز کے ساتھ کام کرنے پر بہت خوش ہیں۔ Kathal Film Released in Netflix

مونگا نے مزید کہا کہ ' یشو وردھن اور اشوک مشرا اس کہانی کو لے کر آئے ہیں اور وہ ہمیں اس جادوئی سفر پر لیں جائیں گے۔ ہم لوگوں کو یہ فلم دکھانے کے لیے بے تاب ہیں، یہ فلم سب کو پسند آئے گی'۔

بالاجی ٹیلی فلمز کی ایگزیکٹو نائب صدر اور کو پروڈیوسر رُچیکا کپور شیخ نے کہا کہ گزشتہ سال ریلیز ہوئی پگلیٹ کی کامیابی کے بعد وہ پوری دنیا کے شائقین کو دوبارہ بھارتی دلوں کی کہانیاں سنانے کے لیے پرجوش ہیں۔ ہم سکھیا اور نیٹفلکس کے ساتھ دوبارہ کرنے پر بہت خوش ہیں۔

فلم کٹھل میں اننت جوشی بھی اہم کردار ادا کرنے والے ہیں۔ اننت جوشی سے اس سے قبل الٹ بالاجی کے ویب سیریز ورجن بھاسکر میں نظر آئے تھے، ویب سیریز میں ان کے ' بھاسکر ترپاٹھی' کے کردار کو خوب پسند کیا گیا تھا۔