Runway 34 trailer: اجے دیوگن کی فلم رن وے 34 کا ٹریلر ریلیز

رن وے 34 کے میکرز نے آخر کار فلم کا ٹریلر ریلیز کردیا ہے۔ فلم میں امیتابھ بچن، اجے دیوگن اور راکل پریت سنگھ مرکزی کردار میں نظر آنے والے ہیں۔ فلم کو اس سال عید پر ریلیز کیا جارہا ہے۔ Runway 34 trailer

رن وے 34 کا دلچسپ ٹیزر ریلیز کرکے فلمی شائقین میں تجسس بڑھانے کے بعد آج فلم میکرز نے امیتابھ بچن، اجے دیوگن اور راکل پریت سنگھ جیسے ادکاروں سے سجی اس فلم کا ٹریلر بھی ریلیز کردیا ہے۔ اجے دیوگن کی ہدایت کاری میں بننے والی یہ فلم اس عید کے موقع پر ریلیز ہوگی۔ اداکاری اور ہدایتکار کی کرسی سنبھالنے کے علاوہ اجے اس تھرلر فلم کے شریک پروڈیوسر بھی ہیں۔ Ajay Devgn and Rakul Preet Singh's Film Trailer Release

اجے نے پیر کے روز اپنے سوشل میڈیا ہینڈل پر رن وے 34 کا ٹریلر شیئر کیا۔ ٹریلر کو شیئر کرتے ہوئے اجے نے لکھا کہ ' ہر سیکنڈ قیمتی ہوتا ہے۔ ایڈ فلمز فخر کے ساتھ فلم رن وے 34 کا ٹریلر پیش کرتا ہے ہم ٹیک آف کے لیے تیار ہیں'۔ Runway 34 trailer Release

یہ فلم سچے واقعہ سے متاثر ہے۔ فلم کے ٹریلر میں دکھایا گیا ہے کہ کیسے راکل پریت اور اجے بطور پائلٹ طوفانی موسم سے بچتے بچاتے فلائٹ کو لینڈ کرواتے ہیں۔ اس واقعہ کے بعد اجے کے خلاف تفتیش کا حکم جاری کیا جاتا ہے کیونکہ ان کے اس فیصلے سے کئی جانیں خطرے میں پڑ جاتی ہیں'۔ فلم میں اجے اور امیتابھ بچن ایک دوسرے کے مخالف نظر آنے والے ہیں'۔

رن وے 34 کو اجے دیوگن فلمز کے علاہ، کمار منگت پاٹھک، وکرانت شرما، سندیپ ہریش کیولانی، ترلوک سنگھ جیٹھی، حسنین حسینی اور جے کنوجیا کے تعاون سے تیار کیا جا رہا ہے۔ رن وے 34 عید، 29 اپریل کو ریلیز ہونے والی ہے۔