بالی ووڈ کی سیاست کے بارے روینہ ٹنڈن کا کیا کہنا ہے؟

اداکارہ کنگنا راناوت کے بعد اداکارہ روینہ ٹنڈن نے سوشل میڈیا پر ہندی فلمی دنیا کے کچھ پوشیدہ پہلوؤں کے بارے میں ذکر کیا۔ اداکارہ نے کہا کہ کچھ لوگ اس ماحول کے عادی ہوجاتے ہیں او کچھ نہیں ہو پاتے ہیں۔

اداکارہ روینہ نے پرانے زخموں کو یاد کرتے ہوئے اس بات پر اتفاق کیا کہ بالی ووڈ میں امتیازی سلوک کیا جاتا ہے۔

انہوں نے کہا کہ ان کا مذاق بنایا گیا، کئی فلموں سے ہیرو اور ان کی گرل فرینڈز کی وجہ سے انہیں نکالا گیا۔

روینہ ٹنڈن نے ٹویٹ کیا کہ فلمی صنعت میں 'گرل گینگ' کے گروپ موجود ہیں۔ مذاق بنایا گیا، کبھی ہیرو، کبھی ان کی گرل فرینڈز، تو کبھی صحافیوں کی وجہ سے انہیں فلموں سے نکالا گیا اور میڈیا کی جھوٹی کہانیوں کی وجہ سے کبھی کبھی کیرئیر تباہ ہوجاتے ہیں۔ کبھی آپ جدوجہد کرتے ہیں۔ واپس کھڑے ہونے کی کوشش کرتے ہیں۔ کچھ اس ماحول کے عادی ہوتے ہیں اور کچھ نہیں کرپاتے ہیں۔

انہوں نے کہا کہ اگر کوئی باہر آکر کہتا ہے تو اسے پاگل، جھوٹا، دماغی طور سے کمزور کہا جاتا ہے۔

انہوں نے مزید کہا کہ کچھ صحافی آپ کی تمام محنت کو تباہ کرنے لیے آرٹیکل پر آرٹیکل لکھتے ہیں۔ انہوں نے کہا کہ 'جو مجھے اس انڈسٹری سے ملا میں اس کے لیے شکر گزار ہوں لیکن کچھ کی گندی سیاست نے ایک کھٹا ذائقہ دیا۔'

سشانت کی خودکشی پر روینہ سے قبل کنگنا نے ویڈیو شیئر کرتے ہوئے بالی ووڈ میں اقربا پروری کی بات کہی تھی