رانا دگگوباتی نے اکشے کمار کے ساتھ گزارے ہوئے وقت کی یادیں تازہ کیں

اداکار رانا دگگوباتی جو اکشے کمار کے ساتھ فلم بے بی اور ہاؤس فل 4 میں نظر آئے تھے، انہوں نے حال ہی میں بتایا کہ کیسے اکشے کمار نے ایک بار انہیں صبح 5 بجکر 45 منٹ پر اٹھایا تھا تاکہ وہ ایک ریڈیو انٹرویو میں شرکت کر سکیں۔

سپراسٹار اکشے کمار صبح جلدی اٹھنے کے عادی ہیں، لیکن ساتھ میں وہ اس بات کو بھی یقینی بناتے ہیں کہ ان کے ساتھ کام کے دوران ان کے تمام ساتھی اداکار بھی اس عادت کو اختیار کریں۔

حال ہی میں اداکار رانا دگگوباتی نے اکشے کمار کی اس عادت کا ذکر کرتے ہوئے بتایا کہ کیسے ایک بار ریڈیو انٹرویو میں جانے کے لیے اکشے کمار نے انہیں علی الصبح اٹھایا تھا۔ رانا دگگوباتی اکشے کمار کے ساتھ فلم بے بی اور ہاؤس فل 4 میں نظر آئے تھے۔

رانا بتاتے ہیں کہ ممبئی آنا اور اکشے کمار کے ساتھ کام کرنا اور ممبئی میں کاموں کے تئیں مختلف نقطۂ نظر قائم ہوتا ہے۔ میں نے ان کے ساتھ فلم بے بی اور ہاؤس فل میں کام کیا ہے۔ ایک ریڈیو شو میں شرکت کرنے کے لیے وہ مجھے 5:45 صبح لے گئے۔

اکشے کے ساتھ کام کرنے کے اپنے تجربے کو بتانے کے علاوہ رانا نے اپنی نئی شادی شدہ زندگی کے بارے میں بھی بات کی۔ انہوں نے 8 اگست کو حیدرآباد کے ایک فلمی اسٹوڈیو میں قریبی رشتہ دار اور دوستوں کی موجودگی میں میہیکا بجاج سے شادی کی۔

انہوں نے بتایا کہ فلم اسٹوڈیو میرے گھر سے پانچ منٹ کی دوری پر واقع ہے۔ شادی میں صرف میرے دو دوستوں نے ہی شرکت کی تھی۔ صرف 30 لوگ یا اس سے کم لوگ ہی موجود تھے۔

میں نے اپنی شادی کی تقریب کو وی آر میں ریکارڈ کیا اور جو لوگ اس تقریب میں شامل نہیں ہوپائے ان کو میں نے ایک وی آر ہیڈسیٹ بھیجا تھا تاکہ وہ اسے دیکھ سکیں۔