تلگو فلم انڈسٹری کے اسٹار رانا دگوبتی اور میہیکا بجاج نے 21 مئی کو روکا کی رسم ادا کر اپنے ریلیشن شپ کو آفیشیئل کر دیا۔ باہوبلی اسٹار اگست میں شادی کر لیں گے۔
اطلاعات کے مطابق رانا کے والد اور تلگو فلم انڈسٹری کے مہا بلی سریش بابو نے تصدیق کی ہے کہ رانا دگوبتی 8 اگست کو حیدرآباد میں شادی کریں گے۔
'فلم باہوبلی کے ولن رانا دگوبتی 8 اگست کو شادی کریں گے' اطلاع کے مطابق 'دونوں خاندانوں نے شادی کے لئے ایک بڑے استقبالیہ کا منصوبہ بنایا ہوا تھا لیکن موجودہ صورتحال کو مدنظر رکھتے ہوئے شادی سرکاری ہدایات کے مطابق کی جائے گی۔'
دراصل رانا نے مہیکا کے ساتھ 21 مئی کو روکا کر لیا، وہ بھی صرف 9 دن بعد جب ان کی لیڈی لیو نے 'ہاں' کہا تھا۔
اداکار نے انسٹاگرام پر تصویر شیئر کرتے ہوئے لکھا تھا کہ 'اور اس نے ہاں کہا... # مہیکابجاج۔'
جوڑے نے اپنے رسم کی خوبصورت تصاویر بھی سوشل میڈیا پر شیئر کیں۔
جب مداحوں نے اندازہ لگایا کہ جوڑے کی منگنی ہوگئی ہے تو رانا نے اپنے واٹس ایپ چیٹ کا اسکرین شاٹ شیئر کرکے یہ واضح کیا کہ ابھی روکا کی رسم ادا کی گئی ہے۔
