راجو سریواستو کے نئے مزاحیہ شو کا اعلان

کپل شرما شو کے ٹکر میں راجو سریواستو کا نیا کامیڈی شو بہت جلد آرہا ہے۔ راجو سریواستو کے نئے شو کا نام 'ہنستے رہو وتھ راجو سریواستو ' ہے۔

ٹی وی کی دنیا میں ایک اور نیا کامیڈی شو جلد آرہا ہے اور کامیڈی کے بادشاہ راجو سریواستو جو یہ کامیڈی شو لے کر آرہے ہیں اس شو کا نام 'ہنستے رہو وتھ راجو سریواستو ' ہے۔ راجو سریواستو کے اس نئے کامیڈی شو کا اعلان ممبئی کے ایک ہوٹل میں کیا گیا اس کے ساتھ اس نئے کامیڈی شو کے کچھ مناظر بھی شوٹ کیے گئے۔

راجو سریواستو نے بتایا کہ 'اس وقت ٹی وی پر پہلے ہی دو کامیڈی شوز چل رہے ہیں جو کہ کافی ہٹ ہے لیکن ہمارا شو ان سے بالکل مختلف ہوگا۔

آج کل کے کامیڈی شوز میں بھارتی کلچر نہیں دکھایا جا رہا ہے۔ آج کے کامیڈی شوز میں صرف سٹی کامیڈی دکھائی جاتی ہے۔ لیکن ہمارے اس نئے کامیڈی شو میں ہم بھارت کی ثقافت، گاؤں اور گاؤں کا لباس دکھائیں گے جو کہ باقی کامیڈی شوز سے بالکل مختلف اور نئے انداز میں ہوگا۔'

راجو سریواستو کے علاوہ دیگر کئی مزاحیہ شخصیات اس شو کا حصہ بننے جا رہے ہیں۔ راجو سریواستو نے کہا کہ 'ہمارا کسی سے کوئی مقابلہ نہیں کیونکہ باقی لوگ جو کامیڈی شو کرتے ہیں وہ بھی ہمارے دوست ہیں۔

وہیں جب کپل شرما کے بارے میں پوچھا گیا تو راجو سریواستو نے کہا کہ 'کبھی کپل ہمارے شو کے تماشائی ہوا کرتے تھے اور آج وہ خود شو کر رہے ہیں۔ 'ہنستے رہو وتھ راجو سریواستو' کامیڈی شو وکاش پروڈکشن کے بینر تلے تیار کیا جا رہا ہے۔ جسے سرلا اشوک سروگی اور راہل شرما نے پروڈیوس کیا ہے۔ اس کے ڈائریکٹر راجو ہیں۔