اداکار پریتی زنٹا نے ایم ایس دھونی کی ریٹائرمنٹ پر ایک تصویر سوشل میڈیا پر شیئر کی
فلم کل ہو نہ ہو کی ادکارہ نے دھونی کی ہیلی کاپٹر شاٹ کو یاد کرتے ہوئے لکھا کہ ہیلی کاپٹر تو اتر جاتا ہے لیکن اس کی سواری ناقابل فراموش ہوتی ہے۔
کوئی مل گیا اداکارہ نے ٹوئیٹر پر ایک پرانی تصویر شیئر کی،جس میں دونوں خوشگوار لمحہ بانٹتے ہوئے نظر آرہے ہیں۔تصویر میں زنٹا کرکٹ کے میدان میں کپتان کا ہاتھ پکڑے ہوئے مسکراتی ہوئی نظر آرہی ہیں۔ایسا لگتا ہے کہ یہ تصویر کسی آئی پی ایل میچ کے درمیان لی گئی ہے ۔جہاں پریتی 'کنگس الیوان پنجاب' ٹیم کی ٹی شرٹ پہنی ہوئی نظر آرہی ہیں جبکہ دھونی 'چنئی سپر کنگس' کی ٹی شرٹ پہنے ہوئے اور ہاتھ میں کرکٹ کا ہیلمٹ پکڑے ہوئے نظر آرہے ہیں۔