Prabhas Fan Commits Suicide: فلم' رادھے شیام' کو ملے منفی ردعمل سے ناخوش پربھاس کے مداح نے خودکشی کی

پین انڈیا فلم 'رادھے شیام' دنیا بھر کے سینما گھروں میں ریلیز ہو گئی ہے۔ اس فلم پر لوگوں اور ناقدین کا ملا جلا ردعمل ہے۔ وہیں پربھاس کے ایک مداح نے فلم کو ملنے والے منفی ردعمل سےناخوش ہوکر خودکشی کرلی ہے۔ Prabhas Fan Commits Suicide

جنوبی فلم انڈسٹری کے سپر اسٹار پربھاس کی فلم 'رادھے شیام' کو سینما گھروں میں 11 مارچ کو ریلیز کردیا گیا تھا۔ مداحوں کو پربھاس کی فلم 'رادھے شیام' کا بے صبری سے انتظار تھا۔ پوری دنیا سے پربھاس کو بے انتہا محبت ملتی ہے، لیکن کبھی کبھی یہ پیار نقصان دہ بھی ثابت ہوجاتا ہے۔ Prabhas Fan Commit Suicide

اس فلم کو فلمی شائقین اور ناقدین کی جانب سے ملا جلا ردعمل مل رہا ہے۔ اسی درمیان پربھاس کے ایک مداح نے فلم کو ملنے والے منفی ردعمل کی وجہ سے خودکشی کرلی ہے۔میڈیا رپورٹس کے مطابق آندھرا پردیش کے کرنول ضلع میں تلک نگر میں پربھاس کے ایک مداح نے خودکشی کرلی۔ ان کی شناخت 24 سالہ روی تیجا کے طور پر ہوئی ہے۔

رپورٹ کے مطابق پربھاس کے اس مداح نے خودکشی کرنے سے قبل اپنی والدہ کو فلم کے ریویو کے بارے میں بتایا تھا۔ وہیں موقع پر پہنچی پولیس نے واقعے کی تحقیقات شروع کردی ہے۔

واضح رہے کہ ملے جلے ردعمل کے باوجود 'رادھے شیام' باکس پر کمال کر رہی ہے۔ پربھاس کے مداح فلم کو بڑے شوق سے دیکھ رہے ہیں۔ اس کے ساتھ ہی کچھ مداح پربھاس کی اداکاری سے ناراض ہیں۔

فلم کی ہدایتکاری رادھا کرشن کمار نے کی ہیں۔ اداکارہ بھاگیہ شری، ستیہ راج، کرشنم راجو، جگپتی بابو، سچن کھیڈیکر، پریا درشی، مرلی شرما اور کنال رائے کپور جیسے اداکاروں نے رومینٹک ڈرامہ فلم 'رادھے شیام' میں اہم کردار ادا کیے ہیں۔