پنکج ترپاٹھی اور اکشئے کمار پہلی بار ساتھ نظر آئیں گے

اداکار پنکج ترپاٹھی فلم 'بچن پانڈے' میں ساجد ناڈیاڈوالا کے ساتھ تیسری بار کام کرنے جا رہے ہیں۔وہیں یہ پہلی بار ہوگا جب اکشئے کمار اور پنکج ترپاٹھی ایک ساتھ اسکرین پر نظر آئیں گے۔

اداکار پنکج ترپاٹھی 'سپر 30' اور '83' کے بعد اب 'بچن پانڈے' میں ساجد ناڈیاڈوالا کے ساتھ تیسری بار کام کرنے جارہے ہیں۔اتنا ہی نہیں وہ اس فلم کے ذریعہ کھلاڑی اکشئے کمار کے ساتھ پہلی بار اسکرین میں نظر آئیں گے۔

ذرائع کے مطابق اداکارہ کرتی سینن اور پنکج اس سے پہلے 'لکا چھپی' اور 'بریلی کی برفی' میں ایک ساتھ نظر آچکے ہیں۔لیکن پنکج اور اکشئے پہلی بار ساتھ کام کریں گے۔دونوں اپنی مزاحیہ انداز اور بہترین اداکاری کے لیے پسند کیے جاتے ہیں اور بڑے پردے پر یہ دونوں اداکار جس طرح سے اپنی تخلیقی صلاحیتوں کا مظاہرہ کریں گے، اسے دیکھنے کے لیے تمام شائقین بے تاب ہیں۔

پنکج جنوری سے جیسلمیر میں اکشئے، کریتی، جیکلین اور ارشد کے ساتھ شوٹنگ کریں گے۔

ذرائع کے مطابق دونوں اداکار کو فلم میں شامل کرنے کی ترکیب ساجد اور فرہاد کا تھا۔جس سے کہانی میں کامیڈی کا ایک تڑکا لگے گا۔اس میں کئی اداکار شامل ہیں۔اس فلم کی شوٹنگ 90 دنوں تک چلے گی، جس میں کئی سارے موڑ ہوں گے۔

فلم میں اکشئے ایک گینگسٹر اور کریتی ایک صحافی کے کردار میں نظر آئیں گی۔بچن پانڈے آئندہ سال 2021 میں ریلیز ہوگی۔