Alia Bhatt announces Hollywood debut :عالیہ بھٹ بالی ووڈ کے بعد ہالی ووڈ میں اپنا جادو بکھیرنے کے لیے تیار

عالمی یوم خواتین کے موقع پر عالیہ بھٹ نے اپنی ہالی ووڈ فلم کا اعلان کردیا ہے۔ وہ نیٹفلکس کی آئندہ فلم ' ہارٹ آف اسٹون' میں مشہور ہالی ووڈ اداکارہ گیل گیڈوٹ کے ساتھ نظر آئیں گی۔ Alia Bhatt announces Hollywood debut with Gal Gadot

بالی ووڈ اداکارہ عالیہ بھٹ نے بھارتی باکس آفس پر غلبہ حاصل کر لیا ہے، جس کے بعد اب وہ ہالی ووڈ کی دنیا میں قدم رکھنے کو تیار ہیں۔ عالیہ بھٹ نیٹفلکس کی آئندہ بین الاقوامی جساسوسی تھرلر فلم ہارٹ آف اسٹون میں نظر آنے والی ہیں۔ Alia Bhatt announces Hollywood debut with Gal Gadot

نیٹفلکس پر ریلیز ہونے والی فلم ' ہارٹ آف ڈانس' میں ہالی ووڈ سپر اسٹار گیل گیڈوٹ اور جیمی ڈورمین کے ساتھ نظر آنے والی ہیں۔ اداکارہ نے عالمی یوم خواتین کے موقع پر اپنے ہالی ووڈ ڈیبیو کا اعلان کیا۔

اس پروجیکٹ کی ہدایت کاری برطانوی فلمساز ٹام ہارپر کریں گے۔ فلم کی اسکرپٹ گریک روکا اور ایلیسن شروڈر نے لکھی ہے۔ فلم کی کہانی کے حوالے سے مزید جانکاری نہیں مل پائی ہے۔ اس پروجیکٹ کو موکنگ برڈ کے بونی کرٹس، پائلٹ ویو کے گیڈوٹ اور جیرون ،اسکائی ڈانس کے ڈیوڈ ایلیسن، ڈانا گولڈ برگ اور ڈان گرانر پروڈیوس کرنے والے ہیں۔Alia Bhatt's Next Netflix Project

واضح رہے کہ عالیہ بھٹ کو حال ہی میں سنجے لیلا بھنسالی کی فلم گنگوبائی کاٹھیاواڑی میں دیکھا گیا تھا، یہ فلم سینما گھروں میں دھوم مچار ہی ہے۔ یہ فلم کورونا وبا کے دوران بالی ووڈ کی تیسری سب سے زیادہ کمائی کرنے والی فلم بن گئی ہے۔

عالیہ اس کے بعد آیان مکھرجی کی فلم برہمستر میں اپنے بائے فرینڈ رنبیر کپور کے ساتھ نظر آئیں گی۔ اس فلم میں امیتابھ بچن، ناگ ارجن اور مونی رائے بھی اہم کردار میں نظر آنے والے ہیں۔ یہ فلم 9 ستمبر 2022 میں ریلیز ہونے والی ہے۔ اس کے بعد عالیہ کو ایس ایس راجا مولی کی فلم 'آر آر آر' کے بھی ریلیز ہونے کا انتظار ہے، جس میں رام چرن، جونئیر این ٹی آر اور اجے دیوگن اہم کردار میں نظر آئیں گے۔