نتیش :عرفان خان کے انتقال سے فلمی دنیا کو ناقابل تلافی نقصان

بہار کے وزیراعلیٰ نتیش کمار نے مشہور فلم اداکار عرفان خان کی نا گہانی موت پر گہری تعزیت اور دکھ کا اظہار کرتے ہوئے آج کہاکہ ان کے انتقال سے فلمی دنیاکو ناقابل تلافی نقصان ہواہے ۔

کمار نے یہاں اپنے تعزیتی پیغام میں کہاکہ عرفان خان ایک اعلیٰ اور ہمہ جہت ٹیلنٹ کے مالک تھے ۔ بھارتی فلمی دنیامیں اہم تعاون پیش کرنے کیلئے انہیں پدم شری اعزاز سے سرفراز کیاجاچکا ہے ۔ اپنی سنجیدہ ادکاری سے وہ سنیماشائقین کے مابین محبوب تھے ۔

وزیراعلیٰ نے مرحوم عرفان خان کے روح کی تسکین اور ان کے اہل خانہ اور شائقین کو مصیبت کی اس گھڑی میں صبرکرنے کی قوت عطا کرنے کی خدا سے دعا کی ہے ۔