پولیس افسر نے بتایا کہ کنگنا سے کہا گیا ہے کہ وہ جمعہ کو جوہو پولیس کے سامنے پیش ہوں۔
جاوید اختر نے کنگنا راناوت پر ٹیلی ویژن انٹرویو میں مبینہ طور پر انہیں بدنام کرنے اور بے بنیاد تبصرے کرنے کے معاملے میں گذشتہ برس نومبر میں اندھیری میٹرو پولیٹن مجسٹریٹ کے پاس مجرمانہ شکایت درج کروائی تھی۔
جاوید اختر نے دعویٰ کیا کہ گزشتہ برس جون مہینے میں اداکار سشانت سنگھ راجپوت کی موت کے بعد بالی ووڈ میں 'گروپ بندی' کا حوالہ دیتے ہوئے کنگنا نے ٹی وی انٹرویوز میں ان کا نام اس میں گھسیٹا تھا۔
شکایت میں یہ الزام لگایا گیا تھا کہ کنگنا نے جھوٹا دعویٰ کیا ہے کہ جاوید اختر نے ریتک روشن سے ان کے مبینہ تعلقات کے بارے میں خاموش رہنے کی دھمکی دی تھی۔ شکایت میں کہا گیا ہے کہ اس سے اختر کی شبیہ کو نقصان پہنچا ہے۔
17 جنوری کو عدالت نے پولیس کو اس معاملے میں تحقیقاتی رپورٹ پیش کرنے کے لیے یکم فروری تک کا وقت دیا۔