ٹیلی ویژن اداکارہ چترا کو خودکشی کے لیے اکسانے کے الزام میں ان کے شوہر ہیمناتھ کو گرفتار کیا گیا ہے۔اداکارہ نے 9 دسمبر کو ایک ہوٹل میں خودکشی کرلی تھی۔ پوسٹ مارٹم کے بعد پولیس نے ایک بار پھر تصدیق کی ہے کہ اداکارہ کے شوہر کے دباؤ کی وجہ سے اداکارہ نے خودکشی کی تھی۔
چترا کی والدہ نے الزام عائد کیا ہے کہ ان کی بیٹی نے خودکشی نہیں کی ہے اور تحقیقات کا مطالبہ کیا ہے۔
اطلاع کے مطابق ہیمناتھ کو ٹیلی ویژن سیریل میں اداکارہ کے ذریعہ کسی دوسرے اداکار کے ساتھ قریبی والے سین فلمائے جانے پر اعتراض تھا جس کی وجہ سے دونوں میں کئی بار جھگڑے بھی ہوا کرتے تھے۔
واضح رہے کہ 9 دسمبر کو 28 سالہ اداکارہ نے چنئی سے متصل شہر نضرت پیٹ میں واقع ایک ہوٹل میں خودکشی کرلی تھی جس کے بعد سے پولیس نے اس معاملے میں دیگر اداکاروں سے بھی پوچھ گچھ کی۔ چترا اور ہیمنت نے دو ماہ قبل ہی شادی کی تھی۔
