لتا منگیشکر نے عوام سے پٹاخہ نہ جلانے کیا اپیل کی

عظیم گلوکارہ نے عام لوگوں سے اپیل کی ہے کہ وہ آئندہ دیوالی میں فضائی آلودگی کی روک تھام کے لئے پٹاخے جلانے سے گریز کریں۔ دیوالی سے قبل ہریانہ، کرناٹک ، دہلی ، راجستھان اور اڈیشہ میں پٹاخوں کی فروخت پر پابندی عائد ہے۔

بالی ووڈ کی مشہور گلوکارہ لتا منگیشکر نے اتوار کے روز لوگوں سے اپیل کی کہ وہ مہاراشٹر کے وزیراعلی ادھو ٹھاکر کی ہدایت پر عمل کرتے ہوئے اس دیوالی فضائی آلودگی کو دیکھتے ہوئے پٹاخے جلانے سے گریز کریں۔

لتا منگیشکر نے ٹوئیٹ کرتے ہوئے لکھا کہ 'مجھے لگتا ہے کہ مہاراشٹر کے وزیراعلی ادھو ٹھاکرے نے آج ٹیلی ویژن میں جو کہا اس پر عمل کرنا ہر ایک کے لیے نہایت ضروری ہے۔فضائی آلودگی کی روک تھام کے لیے ہمیں اس دیوالی کم پٹاخے جلانے چاہیے۔روشنی کے اس تہوار کو جوش و خروش کے ساتھ منائیں۔ماسک پہنیں، اپنا اور اپنے اہل خانہ اور معاشرے کا خیال رکھیں۔

واضح رہے کہ وزیراعلی ادھو ٹھاکرے نے لوگوں سے گھر میں رہ کر اور دیا جلا کر سادگی کے ساتھ دیوالی منانے اور پٹاخے نہیں جلانے کی اپیل کی ہے۔وہیں دیوالی کے مدنظر اڈیشہ، راجستھان، دہلی، کرناٹک اور ہریانہ نے پٹاخے کی فروخت پر پابندی عائد ہے۔