’لکشمی‘ کیریئر کی سب سے زیادہ چیلنجنگ فلم: اکشے کمار

بالی ووڈ کے کھلاڑی کمار اکشے کمار فلم لکشمی کو اپنے کیریئر کی چیلنجنگ فلموں میں سے ایک سمجھتے ہیں۔

راگھو لارنس کی ہدایت میں بنی فلم لکشمی میں اکشے نے ٹرانسجینڈر کا کردار ادا کیا تھا۔ اکشے کمار نے اسے اپنی زندگی کا سب سے مشکل کردار قرار دیا ہے۔

انہوں نے کہا ’’میں نے فلم لکشمی سے بہت کچھ سیکھا ہے جس طرح سے یہ کردار بات کرتا ہے، چلتا ہے، ڈانس کرتا ہے، اس کے لیے میں نے کئی گھنٹوں کی سخت مشقت کی تھی ۔ یہ پہلی مرتبہ ہے جب میں نے خوشی ۔ خوشی کئی ری ٹیک دیئےکیونکہ میں اچھا کرنا چاہتا تھا‘‘۔

اکشے کمار نے کہا ’’لکشمی میرے لیے ذہنی اور جذباتی طور پر کافی چیلنجنگ کردار رہا ہے۔ اس فلم میں جو کچھ بھی کیا گیا ہے وہ بہت ہی مشکل اور چیلنجنگ تھا، جو میں نے اپنے 30 سالہ کیریئر میں کبھی نہیں کیا تھا۔ میں نے اس فلم کے ذریعے اپنے آپ کو نئے طریقے سے ڈھالا ہے۔