کِرن راؤ کی آٹھ برس بعد بطور ہدایت کار واپسی

پیپلی لائیو اور تارے زمیں پر جیسی فلموں کی فلم ساز کرن راؤ نے آٹھ برس کے بعد بطور ہدایت کار واپسی کرتے ہوئے کہانی سنانے میں موبائل کی اہمیت ظاہر کرنے کے لیے فیس بک انڈیا سے ہاتھ ملایا۔

محترمہ راؤ نے فیس بک انڈیا کے لیے دو فلموں کے ساتھ بطور ہدایت کار واپسی کی ہے۔ محترمہ راؤ میں بننے والی ہر ایک فلم دس سکینڈ سے کم مدت کی ہے اور ملک میں چھوٹے موبائل ویڈیو ایڈ کو دوبارہ متعارف کروانے کے لیے امسال مئی میں لانچ کی گئی فیس بک تھمبسٹاپرس پہل کا حصہ ہے۔

دونوں فلمیں جنسی عدم مساوات اور خواتین کی خلاف گھریلو تشدد پر مبنی معاشرے کی تلخ حقیقت کی آئینہ دار ہیں۔ بھائی کے گلاس میں دودھ کی مقدار بہن کے گلاس میں دودھ سے کافی زیادہ ہے۔ بھائی اپنے گلاس کا تھوڑا دودھ بہن کے گلاس میں ڈالتا ہے جس سے کہ دونوں گلاس میں دودھ کی مقدار برابر ہو جائے اور اس طرح جنسی عدم مساوات کے خلاف سوچنے پر مجبور کردینے والی ایک دلچسپ کہانی کی شکل لیتی ہے۔

دوسری فلم میں ایک خاتون اپنی چوٹ پر برف رکھتے ہوئے دکھائی جاتی ہے جب اس کی گھریلو نوکرانی اس کے پاس آکر اس کاسیل فون دیتی ہے جس میں پولیس کا نمبر ہوتا ہے۔ اس فلم کا مقصد عوام کو بہادرانہ قدم اٹھانے کی ترغیب دیناہے۔

دونوں فلمیں بے حد طاقتور ڈھنگ سے یہ دکھاتی ہے کہ پہلے کچھ سکینڈوں تک دیکھنے والوں کی توجہ ہٹنے نہ دینا کتنا ضروری ہوگا۔ موبائل استعمال کی غیر حساسیت کو دھیان میں رکھتے ہوئے دونوں فلمیں موبائل پر بغیر بوجھل ہوئے دیکھنے کے لیے بنائی گئی ہیں اور فلمیں اسی ہیں کہ موبائل کی آواز بند ہونے پر بھی پیغام سمجھ میں آجائے۔