اداکار ارجن کپور کے بعد فلم ہدایتکار کرن جوہر بھی عالمی سطح پر کورونا وائرس کی وبا سے متاثرہ لوگوں کے لئے آن لائن فنڈنگ کنسرٹ میں شامل ہوگئے ہیں۔
کرن نے اپنے ٹوئٹر ہینڈل پر او ایچ ایم لائیو (OHM Live) کنسرٹ میں شرکت کا اعلان کیا اور اپنے مداحوں سے بھی کنسرٹ میں شرکت کی اپیل کی۔
انہوں نے ٹوئٹ کیا اور لکھا 'ہم ایک بہتر مستقبل کی تعمیر کے لئے دنیا کی سب سے بااثر این جی اوز اور خیراتی تنظیموں کے لئے رقم اکٹھا کررہے ہیں'۔
انہوں نے مزید کہا 'ہمارے خوابوں کو متحد کرنے کے لئے ایک سلسلہ OHM Live پر مجھ سے جڑیں، 24 گھنٹوں کی چیریٹی براہ راست، جس میں آج دنیا بھر میں متاثر کن فنکاروں، کھلاڑیوں اور کارکنوں کی نمائش ہوتی ہے'۔
کانسٹیلیشن ڈریم فنڈ سے حاصل ہونے والی تمام رقم OHM Live کے ذریعہ گلوبل گفٹ فاؤنڈیشن، دبئی کیئر اور میڈیسن سینس فرنٹیئر کے پاس جائے گی، جو کووڈ-19 وبا کے خلاف فرنٹ لائنز پر کام کرنے والے ہیروز کی مدد کر رہے ہیں۔