بالی ووڈ کی معروف اداکارہ کنگنا رناوت ان دنوں اپنی نئی فلم پنگا کو لے کر سرخیوں میں ہیں۔ وہ اپنی فلم کو پرموٹ کرنے کے لیے دہلی میں موجود ہیں۔
ایک پریس کانفرنس کے دوران انہوں نے بے باکی سے سوالوں کے جواب دیے۔
انہوں نے کہا کہ فلم میں ماں کا کردار ادا کرنا آسان نہیں ہوتا۔ ایک بیوی اور ماں کا کردار ایک ساتھ ادا کرنا بہت مشکل ہوتا ہے۔ ساتھ ہی فلم کبڈی سے جڑی ہے تو اس کے ضابطہ جاننا بھی ضروری ہے، جس میں اس فلم کے ڈائریکٹر اشونی ایئر تیواری نے کافی مدد کی۔ نیز کہا کہ چیلنجنگ رول ادا کرنے میں مزہ آتا ہے۔
بتا دیں کہ فلم پنگا 24 جنوری کو سنیما گھروں میں ریلیز ہو رہی ہے۔ فلم میں کنگنا کے علاوہ مشہور اداکار جسی بھی نظر آئیں گے جو فلم میں کنگنا کے شوہر کے رول میں ہیں۔ ان کے علاوہ نینا گپتا، رچا چڈھا شامل ہیں۔ فلم میں کنگنا جیا نگم کے رول میں اتریں گی۔ رچا چڈھا بھی کبڈی کھلاڑی کا رول ادا کر رہی ہیں۔