Kamal R Khan Trolled: اترپردیش میں یوگی کے جیتنے کے بعد ٹویٹر پر کیوں ٹرول ہوئے کمال آر خان

سرخیوں میں نظر آنے والے اداکار کمال آر خان نے الیکشن سے قبل کہا تھا کہ اگر بی جے پی نہیں ہاری تو وہ کبھی بھارت نہیں آئیں گے۔ اب ان کے اس ٹویٹ کے بعد سوشل میڈیا صارفین انہیں تنقید کا نشانہ بنا رہے ہیں۔ Kamal R Khan Trolled

ملک کی پانچ ریاستوں (اتر پردیش، پنجاب، اتراکھنڈ، گوا اور منی پور) کے اسمبلی انتخابات کے نتائج کا تقریباً اعلان ہوچکا ہے۔ پنجاب کو چھوڑ کر دیگر ریاستوں میں بی جے پی حکومت بنانے جا رہی ہے۔

وہیں الیکشن سے قبل ہمیشہ سرخیوں میں رہنے والے اداکار کمال آر خان نے کہا تھا کہ اگر بی جے پی نہیں ہاری تو وہ کبھی ہندوستان نہیں آئیں گے۔ اس کے بعد آج یعنی انتخابی نتائج والے دن انہوں نے صبح صبح کئی ٹویٹس کیے اور کہا کہ یوگی جی، آج آپ کا آخری دن ہے۔ جس کے بعد بی جے پی حامی نے کے آر کے کی جم کر تنقید کی۔ Kamal R Khan Tweet on Yogi

کے آر کے نے 10 مارچ کو صبح 6.39 بجے ایک ٹویٹ میں لکھا، 'گڈ مارننگ یوگی جی۔ کیا حال ہے؟ آج آپ کا آخری دن ہے جناب، سوچا آپ کو یاد دلا دوں'۔ لیکن جیسے ہی بی جے پی کی جیت کا اعلان ہونے لگا، کمال خان نے ایک اور ٹویٹ کرتے ہوئے لکھا 'اترپردیش میں دوبارہ جیت کے لیے مبارک ہو یوگی جی'۔ انہوں نے اپنے اس ٹویٹ میں یوگی، وزیراعظم مودی اور وزیرداخلہ امت شاہ کو بھی ٹیگ کیا ہے'۔

اترپردیش میں یوگی کے جیتنے کے بعد ٹویٹر پر کیوں ٹرول ہوئے کمال آر خان

واضح رہے کہ کے آر کے نے 17 فروری 2022 کو ایک ٹویٹ کرتے ہوئے لکھا کہ 'آج میں عہد کرتا ہوں کہ اگر 10 مارچ 2022 کو یوگی جی کو شکست نہیں ملتی تو میں کبھی ہندوستان واپس نہیں آؤں گا! جئے بجرنگ بلی!'۔

اب کے آر کے اس ٹویٹس پر سوشل میڈیا صارفین انہیں تنقید کا نشانہ بنا رہے ہیں۔ ایک سوشل میڈیا صارف نے لکھا کہ 'بھائی، آپ نے کہا کہ اگر یوگی بابا دوبارہ یوپی میں آئے تو آپ ٹویٹر چھوڑ دیں گے۔ اگر تم واقعی مرد ہو تو اپنی دی ہوئی زبان پر تو رئیے'،

ایک اور صارف نے لکھا، شام تک اس بیوقوف کا بیان بدل جائے گا۔ دیکھ لینا۔ پتہ نہیں لوگ اس بیوقوف کو کیوں فالو کرتے ہیں۔

وہیں اس تنقید کے بعد کے آر کے نے ایک اور ٹویٹ کرتے ہوئے لکھا 'پیش گوئی 65، اگر بھارت کے لوگوں نے سب کچھ سہنے کے بعد بھی بی جے پی کو جیت دلا دی تو بی جے پی 2024 میں بھی جیتے گی۔ نریندر مودی دوبارہ ملک کے وزیر اعظم بنیں گے۔