کورونا جیسی عالمی وبا کے درمیان سبھی اپنے اپنے انداز میں لوگوں کو بیدار کرنے اور انفیکشن سے بچانے میں برسرپیکار کورونا واریئرس کو سلام کر رہے ہیں۔
بالی ووڈ اداکار جان ابراہم نے بھی ایک نظم سنائی ہے جس میں انہوں نے کورونا وارئیرس کو سلام پیش کیا ہے۔ اس نظم کا عنوان 'حوصلہ ہے پھر بھی دلوں میں' کیونکہ میرا بھارت مہان ہے۔ یہ نظم ملاپ جاویری نے لکھی ہے۔
جان ابراہیم نے انسٹاگرام پر ایک ویڈیو شیئر کی ہے جس میں جذباتی جان ابراہم ایک نظم پڑھ رہے ہیں۔ اس نظم میں وہ فرنٹ لائن کارکنان، پولیس اور کورونا وائرس کے بحران سے لڑنے میں مدد کرنے والے دیگر سبھی افراد کا شکریہ ادا کررہے ہیں۔
ویڈیو میں جان ابراہم نے کہا 'سڑکیں ہیں لاوارث، گھر پر بیٹھا انسان ہے، جہاں کھیلتے تھے سب بچے اب خالی وہ میدان ہے، مندر اور مسجد ہے بند کھلی راشن کی دُکان ہے، حوصلہ پھر دلوں میں کیونکہ میرا بھارت مہان ہے۔
