بالی وڈ اداکارہ جہانوی کپور نے فلم 'دھڑک' کے ذریعہ اپنے مداحوں کی اچھی خاصی فہرست بنا لی ہے۔ اب ان کے چاہنے والے ان کی اگلی فلم کا انتظار کر رہے ہیں۔
منگل کے روز جہانوی کپور نے اپنی آنے والی فلم 'کرگل گرل' کی ایک تصویر شیئر کی ہے، جس میں وہ گرم کپڑوں میں نظر آرہی ہیں۔ فلم جارجیا میں شوٹ ہو رہی ہے، جہاں کڑاکے کی ٹھنڈ پڑ رہی ہے۔
'کرگل گرل' انڈین ایئر فورس کی پائلٹ گنجن سکسینا کی سوانح پر مشتمل ہے۔ جہانوی کے علاوہ انگد بیدی اور پنکج ترپاٹھی بھی اہم کردار ادا کرتے نظر آئیں گے۔
جہانوی کپور کی آنے والی فلموں میں 'روح افزا' ہے جس میں ہیرو کا کردار راجکمار راؤ ادا کر رہے ہیں۔
اس کے علاوہ کرن جوہر کے اگلے بڑے پروجیکٹ 'تخت' اور 'دوستانہ' کے سکویل میں جہانوی اداکاری کرتی نظر آئیں گی۔