والد کی موت سے غمزدہ جاوید جعفری نے کہا انہیں دعا میں یاد رکھنا

بالی وڈ اداکار جاوید جعفری نے اپنے والد جگدیپ کو ملی ’محبت اور احترام' پر لوگوں کا شکریہ ادا کیا اور انہیں دعاؤں میں یاد رکھنے کی اپیل کی ہے۔

جگدیپ کے انتقال سے ان کے بیٹے جاوید جعفری بہت غمزدہ ہیں۔ جاوید جعفری نے کہا 'بہت سے لوگوں نے ہمیں پیغامات بھیجے ہیں لیکن ہم ہر شخص کو جواب نہیں دے سکتے۔ جو بھی یہ دیکھ رہے ہیں، ہم آپ کی محبت اور دُعاوں کے لیے شکریہ ادا کرتے ہیں۔ ہمارے والد نے فلم انڈسٹری میں 70 برس گزارے اور انہیں بہت پیار و احترام ملا جیسا کہ ہم دیکھ سکتے ہیں کہ وہ پیار آج دکھائی دے رہا ہے'۔

جاوید جعفری نے کہا 'ہمارے والد کی جانب سے جنہوں نے اپنے 70 سال اس فلم انڈسٹری کو دیئے، مہربانی کرکے اگر آپ ان کے لیے ایک چھوٹی سی دعا کر سکیں تو وہ ہمارے لیے بہت ہوگا'۔