جاوید اختر نے جگدیپ کو گریٹ ٹیلنٹ قرار دیا

بالی وڈ کے معروف نغمہ نگار و شاعر جاوید اختر نے جگدیپ کے انتقال پر اظہار تعزیت کرتے ہوئے انہیں گریٹ ٹیلنٹ قرار دیا ہے۔

بالی وڈ کے معروف مزاحیہ اداکار جگدیپ کے انتقال سے فلم انڈسٹری میں دکھ کی لہر دوڑ گئی ہے اور سبھی مشہور شخصیات جگدیپ کی موت پراظہار افسوس کر رہے ہیں۔

جاوید اختر نے بھی جگدیپ کو خراج تحسین پیش کیا ہے۔ جگدیپ نے بلاک بسٹر فلم شعلے میں سورما بھوپالی کا کردار ادا کیا تھا۔ یہ فلم سلیم ۔ جاوید کی جوڑی نے لکھی تھی۔

جاوید اختر نے ٹویٹ کیا 'جگدیپ دو بیگھہ زمین میں بطور چائلڈ آرٹسٹ نظر آئے تھے۔ ایک ینگ مین کے طور پر انہوں نے بھابھی ، پتنگ جیسی فلموں میں جذباتی اور ڈرامائی کردار ادا کیے۔ کامیڈی ان کی دوسری کامیاب اننگ تھی۔گریٹ ٹیلنٹ۔ گڈبائے سر'۔