بالی ووڈ اسٹار جہانوی کپور اور ان کی چھوٹی بہن خوشی کپور نے بدھ کے روز سوشل میڈیا پر اپنی والدہ اور مشہور اداکار سری دیوی کو ان کی تیسری برسی پر خراج عقیدت پیش کی۔
جہانوی نے اپنی والدہ کو یاد کرتے ہوئے ایک نوٹ شیئر کیا۔ انسٹاگرام میں اداکارہ نے جو نوٹ شیئر کی، اس سے ایسا لگ رہا تھا کہ یہ نوٹ سری دیوی نے جہانوی کے نام لکھی ہو۔
جہانوی نے لکھا ' میں تم سے بہت محبت کرتی ہوں۔ تم دنیا میں سب سے پیاری بچی ہو'۔
خوشی کپور نے بھی انسٹاگرام میں اپنے والدین سری دیوی اور بونی کپور کی ایک پرانی تصویر شیئر کی۔ اس تصویر میں دیکھا جاسکتا ہے کہ یہ جوڑا چھٹی منا رہا ہے۔
بالی ووڈ کی پہلی سپر اسٹار خاتون سری دیوی کی 54 سال کی عمر میں 24 فروری 2018 کو دبئی کے ایک ہوٹل میں باتھ ٹب میں حادثاتی طور پر ڈوبنے سے موت واقع ہوگئی تھی۔ اچانک ہوئی ان کی موت نے ان کے اہل خانہ اور مداحوں کو صدمے میں ڈال دیا تھا۔
سری دیوی نے اپنے فلمی کیریئر کا آغاز چار سال کی عمر میں ہی فلم تھونیوان سے کیا تھا۔ انہوں نے تمل، تیلگو ، کنڑا، ملیالم اور ہندی فلموں میں کام کیا۔ انہیں قومی ایوارڈ اور پدم شری سے بھی نوازا جا چکا ہے۔
