ہرش وردھن نے راجیش کھنہ کو خراج عقیدت پیش کیا

مرکزی وزیر برائے صحت و خاندانی بہبود ڈاکٹر ہرش وردھن نے ہندی فلموں کے پہلے سپر اسٹار راجیش کھنہ کو آج ان کی آٹھویں برسی کے موقع پر خراج عقیدت پیش کیا۔

ڈاکٹر ہرش وردھن نے ٹوئٹ کیا کہ معروف اداکار ، ہدایت کار اور پروڈیوسر راجیش کھنہ کو ان کی برسی پر خراج عقیدت، اپنی منفرد اداکاری سے کروڑوں شائقین کے دلوں پر راج کرنے والے' کاکا جی' ہمیشہ ہی سنیما شائقین کے دلوں میں رہیں گے۔

راجیش کھنہ کا انتقال 69 سال کی عمر میں 18 جولائی 2012 کو ممبئی میں ہوا تھا ۔ اپنی دلکش مسکراہٹ اور سنجیدہ اداکاری کے دم پر کروڑوں دلوں پر راج کرنے والے راجیش کھنہ نے اپنے فلمی کیریئر میں بہت سی سپر ہٹ فلمیں دیں۔