جیا پردہ کےبارے میں آپ کیا جانتے ہیں

رامپور پارلیمانی حلقے سے بی جے پی کی امیدوار اور بالی وڈ ادکارہ جیا پردہ کی خوبصورتی اور اداکاری سے عظیم فلمساز ستیہ جیت رے اتنے زیادہ متاثر تھے کہ وہ انہیں دنیا کی خوبصورت ترین خواتین میں سے ایک سمجھتے تھے۔

ستیہ جیت رے انہیں لے کر ایک بنگلہ فلم بنانے والے تھے لیکن صحت خراب ہونے کی وجہ ان کا یہ منصوبہ ادھورا ہی رہ گیا۔
جیہ پردا کا اصل نام للیتا رانی ہے، ان کی پیدائش آندھرا پردیش کے ایک چھوٹے سے گاؤں راجامندري میں 3 اپریل 1962 کو ایک متوسط خاندان میں ہوئی تھی۔
ان کے والد کرشنا تیلگو فلموں کے ڈسٹری بیوٹر تھے۔
بچپن سے ہی جیا پردہ کا رجحان رقص کی جانب تھا ان کي ماں نيلاوني نے رقص کے طرف ان کے بڑھتے رجحان کو دیکھ لیا اور انہیں رقص سیکھنے کے لیے داخلہ دلا دیا۔
چودہ برس کی عمر میں جیا پردہ کو اپنے اسکول میں رقص پروگرام پیش کرنے کا موقع ملا جسے دیکھ کر ایک فلم ڈائریکٹر ان سے کافی متاثر ہوئے اور اپنی فلم 'بھومی كوسم' میں ان سے رقص کرنے کی پیشکش کی لیکن انہوں نے اس تجویز کو مسترد کر دیا۔بعد میں اپنے والدین کے زور دینے پر جیا پردہ نے فلم میں رقص کرنا قبول کر لیا۔
جیا پردہ کا شمار ان چنندہ اداکاراؤں میں ہوتا ہے جن کی خوبصورتی اور اداکاری کا منفرد سنگم دیکھنے کو ملتا ہے۔